كولۋمبيا استاناسى بوگوتاداعى پوليتسيا اكادەمياسىندا جارىلىس سالدارىنان 21 ادام قازا تاۋىپ, 68 ادام جاراقات الدى. بۇل - سوڭعى 16 جىلدا بولعان قالاداعى ەڭ ءىرى شابۋىل.
وقيعا بەيسەنبى كۇنى تاڭەرتەڭ بولعان. جارىلعىش زاتپەن جابدىقتالعان كولىك پوليتسيا اكادەمياسىنىڭ اۋماعىنا كىرىپ, جارىلعان. مالىمەتتەرگە سۇيەنسەك, جارىلىستىڭ سالدارىنان وقۋ ورنىنىڭ عيماراتى عانا ەمەس, كورشىلەس عيماراتتارعا دا زاقىم كەلگەن.
جارىلىس بولماس بۇرىن اۆتوكولىك باقىلاۋ-وتكىزۋ پۋنكتىنە توقتايدى دا, كەيىن ورنىنان بىردەن قوزعالىپ, قابىرعاعا سوعىلىپ, جارىلعان.
جارىلىس تۇلەكتەردى ماراپاتتاۋ ءراسىمى ءوتىپ جاتقان پوليتسيا اكادەمياسىنىڭ قاقپاسىندا بولدى.