بۇگىن قازاقستاندىق بوكسشى گەننادي گولوۆكيننىڭ ءۇشىنشى ءسابيى دۇنيەگە كەلدى. ءسۇيىنشى جاڭالىق تۋرالى بوكس فەدەراتسياسىنىڭ رەسمي سايتى حابارلادى.
«قازاقستاننىڭ بوكس فەدەراتسياسى گەننادي گولوۆكيندى ۇلدى بولۋىمەن قۇتتىقتايدى! ءبىز گەننادي مەن ونىڭ وتباسىنا مىقتى دەنساۋلىق جانە اماندىق تىلەيمىز!», - دەلىنگەن فەدەراتسيا سايتىندا.
ايتا كەتەيىك, گولوۆكيننىڭ ءبىر ۇلى مەن قىزى بار. بوكسشىنىڭ ۇلى لوس-انجەلەستە حوككەيمەن اينالىسادى. قازىرگى تاڭدا گەننادي ۋاقىتىن وتباسىمەن بىرگە وتكىزىپ, جەكپە-جەكتەر جونىندە كەلىسسوز جۇرگىزىپ جاتىر.