ماڭعىستاۋ وبلىسى بويىنشا مكد قۇرىلىمدىق بولىمشەلەرىنىڭ ءبىرى - ەكونوميكالىق تەرگەۋ قىزمەتى, ول سالىق تولەۋدەن جالتارۋعا, ەكونوميكالىق كونترابانداعا, جالعان اقشا جاساۋعا, جالعان شوت-فاكتۋرالار شىعارۋعا, مۇناي جانە مۇناي ونىمدەرىنىڭ زاڭسىز اينالىمىنا, الكوگول ونىمدەرىنىڭ زاڭسىز اينالىمىنا, زاڭسىز ويىن بيزنەسىنە, مەملەكەتتىك ساتىپ الۋ جانە ت.ب. سالاسىنداعى زاڭنامانى بۇزۋعا قارسى كۇرەس سالاسىندا جۇمىس جۇرگىزەدى.
اعىمداعى كەزەڭدە الكوگول ءونىمىنىڭ زاڭسىز اينالىمى سالاسىنداعى جەدەل-تەرگەۋ ءىس-شارالارى بارىسىندا «ەۆرازيا ەليت» جشس ءوندىرۋشى - 34 454 بوتەلكەسى, «ماكسيمۋس» جشس ءوندىرۋشى - 113 029 بوتەلكەسى, وزبەكستان رەسپۋبليكاسىنىڭ ءوندىرىس اراق - 1 542 بوتەلكەسى تاركىلەندى.
زاڭسىز ويىن بيزنەسىنە قارسى ءىس-قيمىل بويىنشا جۇمىستار جۇرگىزىلۋدە, جاسىرىن كازينونىڭ 7 فاكتىسى انىقتالدى, سونىمەن جۇرگىزىلگەن جەدەل ىزدەستىرۋ ءىس-شارالارىنىڭ ناتيجەلەرى بويىنشا تەك ءبىر دەرەك بويىنشا 110 پروتسەسسور, 131 مونيتور, 23 مونوبلوك, 8 چەك پرينتەرى, 14 چەك سكانەرى, 88 تەلەديدار, 4 چەك اپپاراتى, 6 جۇيەلىك بلوك, 3 پوكەر ۇستەلى, 5 بەينەباقىلاۋ جۇيەسى, 1 wi-fi روۋتەر, 531 فيشكا جانە 2 011 805 تەڭگە سوماسىنا اقشالاي قاراجات الىندى.
مۇناي جانە مۇناي ونىمدەرىنىڭ زاڭسىز اينالىمى سالاسىندا 17 قىلمىس انىقتالدى (قر قك 197 - بابى -15, قر قك 214-بابى-2), الىپ قويىلعان مۇناي ونىمدەرىنىڭ جالپى سانى 42,9 مىڭ ليتر ديزەل وتىنىن جانە 15,7 مىڭ توننا مۇنايدى قۇرادى, مەملەكەت كىرىسىنە 40,8 ليتر ديزەل وتىنىن اينالدىرىلعان.
وسى باعىتتا وتكەن جىلدىڭ سايكەس كەزەڭىندە انىقتالعان قۇقىق بۇزۋشىلىقتاردىڭ ءوسۋى بايقالادى. سونىمەن قاتار, ەسەپتى كەزەڭدە بيۋدجەت قاراجاتىن ۇرلاۋ سالاسىندا, سونىڭ ىشىندە كۆازيمەملەكەتتىك سەكتوردا جانە مەملەكەتتىك ساتىپ الۋ سالاسىندا 342 080 100 تەڭگە سوماسىندا 36 قىلمىس انىقتالعان.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى