مەملەكەت باسشىسى اقمولا وبلىسىنىڭ اقكول قالاسىنا جۇمىس ساپارى بارىسىندا «قازاقتەلەكوم» اكتسيونەرلىك قوعامى جەلىلىك ماگيسترالىنىڭ تەحنيكالىق تورابى مالىمەتتەردى وڭدەۋ ورتالىعىنىڭ جۇمىسىمەن تانىستى. بۇل تۋرالى اقوردانىڭ ءباسپاسوز قىزمەتى حابارلادى.
بۇل ورتالىق قالاداعى بارلىق بەينەباقىلاۋ, ەنەرگيا رەسۋرستارىنا ەكولوگيالىق مونيتورينگ, باقىلاۋ جانە ەسەپ جۇرگىزۋ, جول ترافيگىن باسقارۋ, ورتكە قارسى قاۋىپسىزدىك جۇيەلەرىنەن كەلىپ تۇسەتىن مالىمەتتەردى جيناقتاپ, «Smart Aqkol» احۋالدىق ورتالىعىنا جولدايدى.