قىرعىزستان پرەزيدەنتى سوورونباي جەەنبەكوۆ «2017 جىلعى 25 جەلتوقساندا استانا قالاسىندا قول قويىلعان قازاقستان-قىرعىزستان مەملەكەتتىك شەكاراسىن دەماركاتسيالاۋ تۋرالى قازاقستان رەسپۋبليكاسى مەن قىرعىزستان رەسپۋبليكاسى اراسىنداعى شارتتى راتيفيكاتسيالاۋ تۋرالى» زاڭعا قول قويدى. بۇل تۋرالى قىرعىزستان رەسپۋبليكاسى پرەزيدەنتى اپپاراتىنىڭ اقپاراتتىق ساياسات ءبولىمى حابارلادى.
اتالعان زاڭ جوباسىن 2018 جىلى 6 جەلتوقساندا جوگوركۋ كەنەش قابىلداعان بولاتىن. بۇل زاڭ مەملەكەتىشىلىك راسىمدەردى «قىرعىزستان رەسپۋبليكاسىنىڭ حالىقارالىق شارتتارى تۋرالى» قىرعىزستان رەسپۋبليكاسىنىڭ زاڭىنا سايكەس كەلتىرۋ ماقساتىندا قابىلداندى.
قابىلدانعان زاڭنىڭ 2-بابىندا قىرعىزستان رەسپۋبليكاسىنىڭ سىرتقى ىستەر مينيسترلىگىنە جوعارىدا كورسەتىلگەن شارتتىڭ كۇشىنە ەنۋى ءۇشىن قاجەتتى مەملەكەتىشىلىك راسىمدەردى ورىنداۋ تۋرالى قازاقستان تاراپىنا حابارلاۋ تاپسىرىلادى.
زاڭ رەسمي جاريالانعان كۇنىنەن باستاپ كۇشىنە ەنەدى.