اۋىر سالماقتا بەلدەسەتىن ەركىن كۇرەس شەبەرى داۋلەت شابانبايعا اراعا جەتى جىل سالىپ وليمپيا ويىندارىنىڭ قولا مەدالى تابىستالاتىن بولدى. ەستە بولسا, 2012 جىلى لوندوندا وتكەن تورتجىلدىقتىڭ باستى باسەكەسىنىڭ جارتىلاي فينالىندا وتانداسىمىز گرۋزين پالۋانى داۆيد مودزماناۆشيليگە ەسە جىبەرگەن ەدى.
حالىقارالىق وليمپيادا كوميتەتىنىڭ حابارلاۋىنشا, گرۋزين سپورتشىسىنىڭ قانىنان تىيىم سالىنعان پرەپاراتتار تابىلعان.
«داۆيد ءمودزماناۆشيليدىڭ قانىنان تىيىم سالىنعان پرەپاراتتار تابىلىپ, وليمپيادا-2012 ەرەجەسىن بۇزدى. ول قاتىسقان تۋرنيردەن شەتتەتىلىپ, 120 كگ دەيىنگى سالماقتا ەرلەر اراسىنداعى ەركىن كۇرەستەن العان مەدالىن قايتارۋعا مىندەتتەلەدى», – دەپ جازىلعان حوك رەسمي حابارلاماسىندا.
وسىلايشا, داۆيد كۇمىس مەدالىنەن ايىرىلىپ, ونى رەسەيلىك بيليال ماحوۆ الادى, ال رەسەيلىكتىڭ ەنشىسىندەگى قولا مەدال داۋلەت شابانبايعا بەرىلەدى.
ەسكە سالساق, داۋلەت شابانباي ازيا چەمپيوناتىنىڭ ءتوتر دۇركىن قولا جۇلدەگەرى (وڭتۇستىك كورەيا – 2008, تايلاند – 2009, تاشكەنت – 2011, استانا - 2014), «تسيولكوۆسكي مەموريالى» حالىقارالىق ءتۋرنيرىنىڭ قولا جۇلدەگەرى (پولشا, 2012 ج.), گران-پري جۇلدەگەرى (گەرمانيا 2013), «تاحتي كۋبوگى» حالىقارالىق ءتۋرنيرىنىڭ كۇمىس جۇلدەگەرى (يران, 2014), ازيا ويىندارىنىڭ كۇمىس جۇلدەگەرى (وڭتۇستىك كورەيا, 2014). قازاقستان رەسپۋبليكاسىنىڭ سپورت شەبەرى. حالىقارالىق دارەجەدەگى سپورت شەبەرى.
ارمان وكتيابر,
«ەگەمەن قازاقستان»
الماتى