پارلامەنت سەناتىنىڭ توراعاسى قاسىم-جومارت توقاەۆ بروكونەرلەردىڭ قولىنان اۋىر جاراقات الىپ, قايتىس بولعان «وحوتزووپروم» ءوب» رمقك ينسپەكتورى ەرلان نۇرعاليەۆ جايلى مالىمدەمە جاسادى.
سەنات توراعاسى سيرەك كەزدەسەتىن جانە قۇرىپ كەتۋ قاۋپi تونگەن جابايى اڭدار مەن اقبوكەندەردى بروكونەرلەردەن قورعاعان قورىقشىنى باتىل ادام دەپ اتادى.
«ەرلان نۇرعاليەۆ ەلىمىزدىڭ قاسيەتتى اڭىن قورعاپ قازا تاپتى. يماندى بولسىن! بۇزاقىلار مەن ولاردىڭ جاقتاۋشىلارى مىندەتتى تۇردە جازاسىن ءالۋى تيىس. باتىرىمىزدىڭ ەرلىگى ماڭگى ەستە قالادى», دەپ جازدى قاسىم-جومارت توقاەۆ Twitter پاراقشاسىندا.
بۇعان دەيىن حابارلانعانداي, باس پروكۋرور قايرات قوجامجاروۆ قاراعاندىلىق قورىقشىلاردىڭ قىلمىستى ءىسىن ءوز باقىلاۋىنا الدى. ينسپەكتورعا شابۋىل جاساعان بارلىق قىلمىسكەرلەر انىقتالدى.
ەسكە سالا كەتەيىك, براكونەرلەرمەن قاقتىعىستا اۋىر جاراقات العان «وحوتزووپروم» ءوب» رمقك ينسپەكتورى ەرلان نۇرعاليەۆ 15 قاڭتاردا استانانىڭ №1 اۋرۋحاناسىندا كوز جۇمدى. بۇل جايىندا اشم ورمان شارۋاشىلىعى جانە جانۋارلار دۇنيەسى كوميتەتىنىڭ ءباسپاسوز حاتشىسى ساكەن دىلداحمەت حابار تاراتقان ەدى.
ەرلان بالعابەك ۇلى 1966 جىلى اقمولا وبلىسىندا دۇنيەگە كەلگەن. ماماندىعى – دەنە شىنىقتىرۋ جانە اسكەري دايىندىق ءپانىنىڭ وقىتۋشىسى. 2012 جىلعى ناۋرىزدان باستاپ «وحوتزووپروم» ءوب» رمقك قاراعاندى تىرەك پۋنكتىندە ورتالىق ايماقتىق فيليالدىڭ ينسپەكتورى قىزمەتىن اتقاردى.