فريستايلدان لەيك-پلەسيد (اقش) قالاسىندا ءوتىپ جاتقان الەم كۋبوگى كەزەڭىندە قازاقستاندىق موگۋلشىلار فينالدىق كەزەڭگە ءوتتى دەپ حابارلايدى Olympic.kz.
ەرلەر اراسىنداعى ىرىكتەۋ سىنىندا قازاقستاندىق پاۆەل كولماكوۆ وليمپيادا چەمپيونىنا عانا ەسە جىبەرىپ, ەكىنشى ورىندا تۇر. ول 82.51 ۇپايعا قول جەتكىزدى.
ءبىرىنشى ورىندا 83.97 ۇپاي جيعان كانادالىق ميكاەل كينگسبەري. ۇزدىك ۇشتىكتى فرانتسيالىق بەندجامين كاۆەت قورىتىندىلاپ تۇر.
تاعى ءبىر قازاقستاندىق سپورتشى دميتري رەيحەرد 79.82 ۇپايمەن 5-ءشى ساتىعا جايعاستى.
سپورتشىلارىمىز 18 قاڭتار كۇنى وتەتىن فينالدا باق سىنايدى. ەسكە سالا كەتەيىك, يۋليا گالىشەۆا دا اقتىق سىنعا جولداما العان بولاتىن.