ماڭعىستاۋ وبلىسى بويىنشا ەكولوگيا دەپارتامەنتى جانىندا ءوزىنىڭ اناليتيكالىق زەرتحاناسى بار. ول بارلىق ءتيىستى قۇرال-جابدىقتارمەن تولىقتاي قامتاماسىز ەتىلگەن, سونىمەن قوسا گازەل بازاسىندا جابدىقتالعان جىلجىمالى زەرتحانا بار. زەرتحانا اۋادان, توپىراقتان, تەڭىز جانە اقابا سۋلاردان سىناما جانە رادياتسيالىق ولشەمدەر جۇرگىزە الادى, ءتيىستى اككرەديتاتتسيادان وتكەن.
دەپارتامەنت جوسپارىنا سايكەس زەرتحانا ماماندارى وبلىسىمىزدا ورنالاسقان زياندى وشاقتارعا جانە ءىرى ءوندىرىس ايماقتارىندا مونيتورينگ جۇمىستارىن جۇرگىزەدى.
دەپارتامەنتتىڭ زەرتحانا ماماندارىمەن 2018 جىلى 4 437 سىنامالار الىنعان. سونىمەن قاتار, باسقارمانىڭ باستى جاڭالىعى - 2018 جىلى اناليتيكالىق زەرتحانانىڭ ۇجىمىنىڭ ارقاسىندا ILAC - MRA زەرتحانالىق قوسارلى بەلگىنى قولدانۋ قۇقىعىنا يە بولدى. (ILAC - مەجدۋنارودنايا اسسوتسياتسيا پو اككرەديتاتسي لابوراتوري (InternationalLaboratory Accreditation Cooperation).
ILAC زەرتحاناسىنىڭ اكرەديتتەۋ بويىنشا حالىقارالىق ۇيىمى 1977 جىلى قۇرىلعان جانە 58 مەملەكەتتىڭ 70 مەكەمەسىنەن تۇرادى. ILAC - MRA زەرتحانالىق قوسارلى بەلگىسى الەم بويىنشا ILAC - MRA كەلىسىمىنە قاتىسۋشى ەلدەردەگى سىناۋ جانە كاليبرلىك زەرتحانالاردىڭ ناتيجەلەرىن مويىنداۋعا ارنالعان.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى