باسىم باعىتتار پارتيا باقىلاۋىندا

جيىنعا پارتيا توراعاسىنىڭ ءبىرىن­شى ورىنباسارى ماۋلەن اشىمباەۆ, ۇلت­­تىق ەكونوميكا ءمينيسترى تيمۋر سۇلەي­مەنوۆ, پرەزيدەنتتىڭ بەس الەۋ­مەت­تىك باستا­ما­سىنىڭ جۇزە­گە اسىرىلۋ بارى­سىن باقىلاۋ جونىندەگى قوعام­دىق كەڭەس­تىڭ توراعاسى, سەنات دەپۋ­تاتى باقىتجان جۇماعۇلوۆ, پارتيا­نىڭ پارلامەنت ماجىلىسىندەگى فراك­تسيا­سى­نىڭ باسشى­لىعى, پارتيالىق كۋراتور­لار جانە ماجىلىستەگى پارتيا فراكتسيا­سى جانىن­داعى كونسۋلتاتيۆتى-كەڭەس­تىك ورگان­داردىڭ باسشىلارى قاتىستى. ودان بولەك, بۇل باسقوسۋعا بەينەكون­فە­­رەنتس بايلانىسى ارقىلى بارلىق ءوڭىر­دىڭ وكىلدەرى دە قوسىلدى.

وتىرىستى اشقان م.اشىمباەۆ مەملەكەت باسشىسىنىڭ 5 قازانداعى جول­داۋى ەلىمىزدىڭ الەۋمەتتىك جاڭ­عىر­ۋى­نىڭ نەگىزىن قالاپ, الداعى باسىم باعىتتاردى ايقىنداپ بەرگەنىن ايتتى. سونداي-اق ول ەلباسىنىڭ جا­لا­­قىنى كوتەرىپ, شاعىن جانە ورتا بيز­نەستى دامىتۋ ارقىلى حالىقتىڭ ءال-اۋقاتىن ارتتىراتىن كەشەندى شارا­لار­دى انىقتاپ بەرگەنىنە جانە باسقا دا وزەكتى ماسەلەلەرگە نازار اۋداردى.

پارتيا توراعاسىنىڭ ءبىرىنشى ورىنباسارى الداعى ۋاقىتتا باسىم باعىتتار بويىنشا جۇمىستىڭ كۇشەيەتىنىن ايتتى.

– پارتيا ەلباسى باستامالارىنىڭ ساپالى ءارى ۋاقتىلى جۇزەگە اسىرىلۋى ءۇشىن باقىلاۋ جۇمىستارىن ءۇش دەڭ­گەي بويىنشا جۇرگىزەدى. ءبىرىنشى – رەس­پۋب­ليكالىق دەڭگەيدەگى باقىلاۋ جۇ­مىس­­تارىنا ماجىلىستەگى پارتيا دە­­پۋتاتتارى جاۋاپتى. سونداي-اق جول­داۋ­­دى جۇزەگە اسىرۋدىڭ جالپى­ۇلت­­تىق جوسپارىنا سايكەس پارتيا­لىق كۋرا­تور­لاردىڭ جانە پارتيا مەن فراكتسيا جا­نىنداعى كەڭەس باسشى­لارىنىڭ دا مىندەتتەرى انىق­تال­دى. ەكىنشى – ايماق­تىق دەڭگەي بويىنشا پارتيانىڭ ماسليحاتتاعى دەپۋت­ات­تارى, جەرگىلىكتى جەرلەردەگى پارتيا­لىق كۋراتورلار جانە «نۇرلى جول», «نۇرلى جەر» باعدارلامالارىن باقى­لاۋ جونىندەگى كوميسسيالار بەل­سەن­­­دى­لىك تانىتۋى ءتيىس. ال ءۇشىنشى – اۋىل-ايماق دەڭگەيىندەگى باقىلاۋ جۇمىس­تارىنا باستاۋىش پارتيا ۇيىم­دارىن جۇمىلدىرۋىمىز كەرەك, – دەدى م.اشىمباەۆ.

سونىمەن قاتار «نۇر وتان» پارتيا­سى توراعاسىنىڭ ءبىرىنشى ورىنباسارى بەس الەۋمەتتىك باستامانىڭ جۇزەگە اسىر­ىلۋ بارىسىنداعى كەيبىر ماسەلە­لەر­گە ەرەكشە توقتالىپ ءوتتى. الدىمەن ول وسى باستامالار اياسىندا شاعىن نەسيە بەرۋ ىسىندەگى ولقىلىقتارعا نازار اۋداردى. ونىڭ ايتۋىنشا, بۇگىنگە دەيىن 13 مىڭنان استام ازامات شاعىن نەسيە الىپ, جوسپاردىڭ 98 پايىزى ورىن­دالعان. سونىڭ ناتيجەسىندە 52 ملرد تەڭگە يگەرىلگەن ەكەن.

– بۇل جامان كورسەتكىش ەمەس. دەگەن­مەن ناتيجەلەردى ساراپتاپ قاراي­تىن بولساق, كۇرمەۋى قيىن ماسە­لەلەردىڭ دە بار ەكەنىن كورەمىز. مىسالى, شا­عىن نەسيە بەرۋ باستاماسى اۋىلدىق جەر­لەر­دە ناتيجەلى جۇزەگە اسىرىلىپ جاتىر. ال قالا­لىق جەرلەردەگى كورسەت­كىش كوڭىل كونشىتپەيدى. بۇگىندە قالا­لىق جەرلەر ءۇشىن جوسپارلانعان 3 مىڭ ادامنان تەك 1 مىڭ ازاماتقا عانا شا­عىن نەسيە بەرىلگەن, – دەدى ول.

تارقاتىپ ايتار بولساق, اتالعان كور­سەتكىش بويىنشا كوش سوڭىندا اتى­راۋ وبلىسى تۇر. مۇنايلى ولكەدە قالا تۇرعىندارىنىڭ ىشىنەن بار بول­عانى 13 ازاماتقا عانا شاعىن نە­سيە بەرىلگەن. بۇل جوسپارلى مەجە­نىڭ 23,65 پايىزىن قۇرايدى. سول سياقتى پاۆ­لودار, سولتۇستىك قازاقستان, قىزىلوردا وبلىستارى مەن استانا قالا­سىندا دا جاعداي ءماز ەمەس. ناتي­جە­سىندە ەلىمىز بويىنشا قالالىق جەر­لەر ءۇشىن شاعىن نەسيەگە بولىنگەن 20,2 ملرد تەڭگەنىڭ 62 پايىزى عانا يگە­رىل­گە­نى بەلگىلى بولىپ وتىر.

جەلتوقسان ايىنىڭ باسىنداعى جاع­داي بويىنشا يگەرىلمەگەن قارا­جات­تىڭ كولەمى 7,7 ملرد تەڭگەنى قۇ­راپ وتىر. ونىڭ 26 پايىزى «دامۋ» قو­رىنا تيەسىلى بولسا, قالعان 74 پايىزى ەكىنشى دەڭگەيلى بانكتەردىڭ ەسەپشو­تىن­دا جاتىر. وسى رەتتە ەكىنشى دەڭ­گەيلى بانكتەر اتالعان ماقساتتا وز­دەرى­نە بولىنگەن قاراجاتتىڭ 42 پايى­زىن عانا يگەرگەنىن اتاپ وتكەن ءجون. سونداي-اق ماۋلەن اشىمباەۆ «7-20-25» باعدارلاماسى بويىنشا دا ات­قارىل­عان جۇمىستارعا نازار اۋداردى. ونىڭ سوزىنە قاراعاندا, 6 جەلتوقسانعا دەيىنگى دەرەك بويىنشا باعدارلاماعا قاتىسۋ ءۇشىن 5 مىڭنان استام ءوتىنىم كەلىپ تۇسكەن. سونىڭ ىشىن­دە جالپى سوماسى 40 ملرد تەڭ­گە­نى قۇرايتىن 3,5 مىڭعا جۋىق ءوتىنىم ماقۇلدانعان. ايتسە دە كەيبىر ايماق­تار­دا جەرگىلىكتى اتقارۋشى ورگاندار تاراپىنان ارنايى ساناتتاعى ازاماتتارعا باس­تاپ­قى جارنا ءۇشىن سۋبسيديا ءبولۋ جۇمىستارى ويداعىداي جۇرگىزىلمەۋدە. بۇدان باسقا «7-20-25» باعدارلاماسى بويىن­شا جاڭادان سالىنعان ۇيلەردىڭ جە­تىس­پەۋى جانە كەي ايماقتارداعى اق­پا­راتتىق-ءتۇسىندىرۋ جۇمىستارىنىڭ السىزدىگى سياقتى ماسەلەلەر دە ايتىلدى.

م.اشىمباەۆ وسىنداي وزەكتى ما­سە­لە­لەر بولا تۇرا, پارتيا فيليالدارى مەن پارتيالىق كۋراتورلاردىڭ ءۇنسىز وتىر­عانىن سىنعا الدى.

ءوز كەزەگىندە پرەزيدەنتتىڭ بەس الەۋ­­­­مەتتىك باستاماسىنىڭ جۇزەگە اسى­­رىلۋ بارىسىن باقىلاۋ جونىندەگى قوعام­دىق كەڭەستىڭ توراعاسى, سەناتور باقىت جۇماعۇلوۆ اتقارىلعان جۇ­مىس­تار جونىندە بايانداپ بەردى. 

سو­نىمەن بىرگە ۇلتتىق ەكونوميكا ءمينيسترى تيمۋر سۇلەيمەنوۆ پەن پار­لا­مەنت ماجىلىسىندەگى پارتيا فراك­تسيا­سى باسشىسىنىڭ ورىنباسارى اسقار بازار­باەۆ ءسوز الىپ, ءوز تاراپىنان ىستەل­­گەن جۇمىستارعا توقتالىپ ءوتتى.

ءىس-شارا سوڭىندا ەلباسى تاپسىرمالارىن ورىن­داۋ ءۇشىن تياناقتى جۇمىس ىستەپ, ساپا­لى باقىلاۋ جۇر­گى­زۋ­دى قام­تا­ما­سىز ەتەتىن بىرقاتار مىندەتتەر ناقتىلاندى.

جاقسىباي سامرات,

«ەگەمەن قازاقستان»