قىزىلوردا وبلىسىنىڭ پوليتسيا دەپارتامەنتى توتەنشە جاعدايلار دەپارتامەنتىمەن بىرلەسىپ «پيروتەحنيكا» جەدەل-پروفيلاكتيكالىق ءىس-شاراسىن وتكىزىپ جاتىر.
ءىس-شارا بارىسىندا جاس بالالار اراسىندا جاراقات الۋدى بولدىرماۋ ماقساتىندا قوعامدىق ءتارتىپتى ساقتاۋ بويىنشا قىزمەتكە تۇسكەن پوليتسيا جاساقتارىنىڭ, ۋچاسكەلىك پوليتسيا ينسپەكتورلارىنىڭ, سونداي-اق مەكتەپ ينسپەكتورلارىنىڭ كامەلەتكە تولماعاندارمەن پيروتەحنيكالىق بۇيىمداردى, ونىڭ ىشىندە ءبىلىم بەرۋ مەكەمەلەرىنىڭ اۋماعىندا پايدالانۋدىڭ جولىن كەسۋگە ەرەكشە نازار اۋدارىلىپ جاتىر.
جەكە تۇلعالاردىڭ تىنىشتىعىن, بەلگىلەنبەگەن ءتارتىپتى بۇزاتىن جانە ءىرى ماتەريالدىق زالال كەلتىرۋگە اكەپ سوقپاعان, ەلدى مەكەندەردە جانە بۇل ءۇشىن بولىنبەگەن ورىنداردا پيروتەحنيكالىق بۇيىمداردى قولدانۋ قر اقبتك-ءنىڭ 436-بابىنىڭ 2-بولىگىنە سايكەس, پيروتەحنيكالىق بۇيىمدار تاركىلەنە وتىرىپ, 20 ايلىق ەسەپتىك كورسەتكىش مولشەرىندە ايىپپۇل سالىناتىن بولسا, ازاماتتىق پيروتەحنيكالىق زاتتاردىڭ جانە ولاردى قولدانىپ جاسالعان بۇيىمداردىڭ اينالىمى سالاسىنداعى قىزمەت قۇقىعىنا ليتسەنزياسى بار تۇلعالاردىڭ ازاماتتىق پيروتەحنيكالىق زاتتاردى جانە ولاردى قولدانىپ جاسالاتىن بۇيىمداردى ساقتاۋ, ەسەپكە الۋ, پايدالانۋ, تاسىمالداۋ, ولارمەن ساۋدا جاساۋ, ولاردى جويۋ, اكەلۋ, اكەتۋ ءتارتىبىن بۇزعانى ءۇشىن قر اقبتك-ءنىڭ 483-بابىنىڭ 1-بولىگىمەن پيروتەحنيكالىق زاتتار تاركىلەنە وتىرىپ, جەكە تۇلعالارعا 5, شاعىن كاسىپكەرلىك سۋبەكتىلەرىنە نەمەسە كوممەرتسيالىق ەمەس ۇيىمدارعا 10, ورتا كاسىپكەرلىك سۋبەكتىلەرىنە 15, ءىرى كاسىپكەرلىك سۋبەكتىلەرىنە 45 ايلىق ەسەپتىك كورسەتكىش مولشەرىندە ايىپپۇل سالۋعا اكەلىپ سوعادى. ساتۋشىلارعا وسى جاعداي تۇسىندىرىلۋدە.
باقتيار تايجان,
«ەگەمەن قازاقستان»
قىزىلوردا وبلىسى