ماماندىق تاڭداۋ – ورتا مەكتەپتى ەندى عانا بىتىرگەن جاستاردىڭ وزىنە دەگەن ەڭ نەگىزگى مىندەتى. بۇل اسا ماڭىزدى شەشىم ۇلكەن جاۋاپكەرشىلىكتى قاجەت ەتەدى, سەبەبى تاڭدالعان ماماندىق – ولاردىڭ كەلەشەگى. ال ەل كەلەشەگى – جاستاردىڭ قولىندا.
كوپ سالالى ءىرى جوعارى وقۋ ورنى بولىپ تابىلاتىن م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتى قۇرامىنداعى «پەداگوگيكا جانە مادەنيەت» فاكۋلتەتىندە «بەينەلەۋ ونەرى جانە ديزاين» كافەدراسى ءوز ورنىن تاپقان. بۇل كافەدرادا عىلىم دوكتورى, پەروفەسسور, دوتسەنتتەر, عىلىم كانديداتتارى, قازاقستان جانە شەتەل سۋرەتشىلەر, ديزاينەرلەر وداعىنىڭ مۇشەلەرى قىزمەت ەتەدى. كافەدرانىڭ پروفەسسور-وقىتۋشىلار قۇرامى قاتارىندا ەلىمىزدىڭ عانا ەمەس, شەتەل جوعارى وقۋ ورنىن ۇزدىك بىتىرگەن ۇستازدار دا بار. بۇل رەتتە, كەلەسى جىلى پايعامبار جاسىن سالتاناتپەن اتاپ ءوتۋ نيەتىندە جۇرگەن قۇرمەتتى دە بىلىكتى ۇستاز, قازاقستان رەسپۋبليكاسىنىڭ مادەنيەت قايراتكەرى, سۋرەتشىلەر اكادەمياسىنىڭ كوررەسپودەنت-مۇشەسى, پروفەسسور انۋاربەك ايدوسوۆتى ماقتانىشپەن ايتۋعا بولادى. ح.ا.ياساۋي اتىنداعى حالىقارالىق قازاق-تۇرىك ۋنيۆەرسيتەتىنىڭ «ديزاين جانە جارناما» ماماندىعى بويىنشا بىتىرگەن ول, كوپتەگەن جانە رەسپۋبليكالىق كوركەمونەر كورمەلەرىنە قاتىسىپ كەلەدى. انۋاربەك ايدوسوۆتىڭ شىعارماشىلىق جۇمىستارى بۇگىندە كوپتەگەن الىس, جاقىن شەتەل ونەر مۇراجايىندا, كوركەمسۋرەت گالەرەيالارىندا جانە جەكە قورلاردا (اقش, گەرمانيا, وڭتۇستىك كورەيا, تمد مەملەكەتتەرى) ساقتالۋدا. ول سونىمەن قاتار «قازاق اۆانگاردى», «كومپوزيتسيا نەگىزدەرى» جانە «كەسكىندەمە سىرى» اتتى وقۋ قۇرالدارىنىڭ اۆتورى. سونداي-اق بۇل قاتاردا ا.ن.كوسىگين اتىنداعى ماسكەۋ توقىماشىلىق ينستيتۋتىنىڭ «تەكستيل جانە جەڭىل ونەركاسىپ بۇيىمدارىن مودەلدەۋ جانە كوركەم بەزەندىرۋ» ماماندىعى بويىنشا بىتىرگەن, وزبەكستان كوركەمونەر اكادەمياسىنىڭ شىعارماشىلىق بىرلەستىگى مۇشەسى ءبورىجان تورەباەۆتى دا اتاپ ايتۋعا بولادى. ول كوپتەگەن الىس, جاقىن شەتەل جانە رەسپۋبليكالىق كوركەمونەر كورمەلەرىنە بەلسەندى قاتىسقان (اقش, گەرمانيا, ۆەتنام, ۆەنگريا, ت.ب. جانە بىرقاتار تمد ەلدەرى). ءبورىجان تورەباەۆتىڭ دا شىعارماشىلىق جۇمىستارى قازاقستان كورمە ديرەكتسياسى قورىنان ورىن العان. «مانەسترالى ناتيۋرمورت» اتتى كەسكىندەمەلىك كارتيناسى وزبەكستان مەملەكەتتىك ونەر مۇراجايىندا ساقتالۋدا. ول – «ورنامەنت ي تسۆەت ۆ ديزاينە تەكستيليا» مونوگرافيا. LAP LAMBERT Academic Publishing /گەرمانيا/, «وسنوۆى ديزاينا تەكستيلنىح يزدەلي» وقۋلىعى, «تسۆەت ۆ تەكستيلە», ء«تۇستانۋ», تاعى دا باسقا وقۋ قۇرالدارىنىڭ جانە 150-گە جۋىق عىلىمي ماقالالاردىڭ اۆتورى.
ەل ءىشى – ونەر كەنىشى. دەگەنمەن جاس تالانتتى ىرىكتەپ الىپ, ناعىز ونەر مايتالمانى دارەجەسىنە جەتكىزۋ – وتە كۇردەلى ماسەلەلەردىڭ ءبىرى. وسىنداي تالاپتى جاستاردى قولداۋ ماقساتىندا م.اۋەزوۆ اتىنداعى وقمۋ «بەينەلەۋ ونەرى جانە ديزاين» كافەدراسىنا قاراستى «جەتىاسار» كارتينا گالەرەياسىندا جىل سايىن كورمەلەر ۇيىمداستىرىپ تۇرۋ داستۇرگە اينالعان. جۋىردا وسى گالەرەيادا ۋنيۆەرسيتەتىمىزدىڭ 75 جىلدىق مەرەيتويىنا ارنالعان «دالا اۋەندەرى» اتتى ستۋدەنتتەر مەن بەلگىلى قىلقالام جانە ديزاين شەبەرلەرىنىڭ كورمەسى ءساتتى ءوتتى. «ونەر – وتە كيەلى ۇعىم ەكەندىگى بارشاعا ءمالىم. سوندىقتان دا ونى قادىرلەپ, سانالى تۇردە باعالاي ءبىلۋ – كۇللى ادامزات ءۇشىن باستى مىندەت دەپ ەسەپتەيمىن», دەدى كافەدرا مەڭگەرۋشىسى داۋلەتحان سەيتماحان ۇلى بولىسباەۆ وسى كورمەنىڭ سالتاناتتى اشىلۋ ءىس-شاراسىندا سويلەگەن سوزىندە.
ەلباسى ن.نازارباەۆتىڭ جاقىندا «رۋحاني جاڭعىرۋ» اتتى باعدارلاماسىنىڭ جالعاسى رەتىندە جارىققا شىققان « ۇلى دالانىڭ جەتى قىرى» اتتى ماقالاسىندا مىناداي سوزدەر بار: «...قازاقستاننىڭ ەجەلگى تۇرعىندارىنىڭ وزىق مادەنيەتى بولدى.
ولاردىڭ مۇراسىنىڭ جارقىن كورىنىسى, كوركەم بولمىسى مەن رۋحاني بايلىعىنىڭ ايشىقتى بەلگىسى «اڭ ءستيلى» ونەرى.
...اڭ ءستيلى بابالارىمىزدىڭ ايرىقشا جوعارى وندىرىستىك تاجىريبەسى بولعانىن كورسەتەدى. ولار ويۋلاپ كەسكىندەۋدى, مەتالمەن جۇمىس ىستەۋدىڭ تەحنيكاسى, سونىڭ ىشىندە, مىس پەن قولادان بالقىمالار جاساۋدىڭ جانە قۇيمالار قۇيۋدىڭ, جايما التىن دايىنداۋدىڭ كۇردەلى ادىستەرىن جاقسى مەڭگەرگەن.
«...رۋحاني جاڭعىرۋ» جالپىۇلتتىق باعدارلاماسىنىڭ جاڭا كومپونەنتتەرى اتا-بابالارىمىزدىڭ كوپ عاسىرلىق مۇراسىنىڭ تسيفرلى وركەنيەت جاعدايىندا تۇسىنىكتى ءارى سۇرانىسقا يە بولۋىن قامتاماسىز ەتە وتىرىپ, ونى جاڭعىرتۋعا مۇمكىندىك بەرەدى».
پرەزيدەنتىمىز ايتقانداي, «الەمدىك ونەردەگى بيىك بەلەستەردىڭ ءبىرى بولىپ سانالاتىن «اڭ ءستيلى» فەنومەنى» بۇگىنگى تاڭدا كافەدرا ونەرتانۋ سالاسىنداعى عانا ەمەس, بارلىق بەينەلەۋ ونەرى جانە ديزاين سالاسىنداعى پروفەسسور-وقىتۋشىلارىنىڭ باستى نازارىندا.
مەملەكەت باسشىسى ن.نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى قازاقستان حالقىنا ارناعان بيىلعى جولداۋىندا بۇگىنگى قوعامدى تولعاندىرعان الەۋمەتتىك پروبلەمالاردى شەشۋدىڭ ناقتى تەتىكتەرى ۇسىنىلعان. وسى جولداۋدا پرەزيدەنتىمىزدىڭ الەۋمەتتىك ماڭىزى بار ماسەلەلەردىڭ ءبىرى ورتا جانە جوعارى ءبىلىم بەرۋ جۇيەسىن جەتىلدىرۋ جايىنا ارنايى توقتالعانىن ەرەكشە اتاپ وتكەن ءجون. بۇدان بىلاي جوعارى وقۋ ورىندارىنىڭ بىلىكتىلىگى تۇلەكتەرىنىڭ جۇمىسقا ورنالاسۋىمەن ولشەنۋى جانە باسقا دا تاجىريبەلەردى نەگىزگە الۋىن ەلباسىنىڭ وتە ۇتىمدى يدەياسى دەپ ساناۋعا بولادى.
مامان دايىنداۋ سالاسىندا جوعارى ءبىلىم بەرۋ سيپاتى تالابىن كوتەرۋ كەرەك – مەملەكەت باسشىسى ءوزىنىڭ جاڭا جولداۋىندا بۇگىنگى نارىق جاعدايىندا پەداگوگتەر اراسىنان ءبىلىمنىڭ جوعارى سيپاتىن قامتاماسىز ەتە الاتىندار عانا قالۋى ءتيىس دەگەن ءسوزدى قاداپ ايتىپ, وسىنداي تاپسىرمانى كۇن تارتىبىنە قويدى.
سول سەبەپتى, ەگەمەندى ەلىمىزدىڭ سەنىمىنە, زامان تالابىنا ساي, باسەكەگە قابىلەتتى زاماناۋي ماماندىق يەسىن دايىنداۋ – م.اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىنىڭ «بەينەلەۋ ونەرى جانە ديزاين» كافەدراسى پروفەسسور-وقىتۋشىلارى ءۇشىن باستى ماقسات. بۇل – ارينە ولار ءۇشىن جوعارى ازاماتتىق جاۋاپكەرشىلىكتى جۇكتەيدى.
داۋلەتحان بولىسباەۆ,
وقمۋ «بەينەلەۋ ونەرى جانە ديزاين» كافەدراسىنىڭ مەڭگەرۋشىسى, فيلوس.ع.ك., دوتسەنت, قر ديزاينەرلەر وداعىنىڭ مۇشەسى,
ءبورىجان تورەباەۆ,
وقمۋ «بەينەلەۋ ونەرى جانە ديزاين» كافەدراسىنىڭ اعا وقىتۋشىسى, ءور كوركەمونەر اكادەمياسىنىڭ شىعارماشىلىق بىرلەستىگى مۇشەسى