ەۋروپانىڭ سپورتتىق باسىلىمدارىنىڭ قاۋىمداستىعى «بارسەلونانىڭ» شابۋىلشىسى ليونەل مەسسيگە «التىن بۋتسى» تابىس ەتتى, دەپ حابارلايدى «SPORTINFORM».
مەسسي 2017/18 ماۋسىمىنداعى ەۋروپانىڭ ەڭ ۇزدىك بومبارديرى اتاندى. وتكەن ماۋسىمدا ارگەنتينالىق فۋتبولشى پرەمەر-ليگانىڭ 36 ماتچىندا 34 گول سوقتى.
اتالمىش ماراپات ءۇشىن باقتالاستا ول مىسىرلىق موحامەد سالاحتىڭ الدىن وراپ كەتتى. م.سالاح پرەمەر-ليگانىڭ 36 كەزدەسۋىندە 32 رەت گول سالدى.
ل.مەسسيگە «التىن بۋتسى» بەسىنشى رەت تابىستالىپ وتىر. بۇعان دەيىن ماراپاتتى 2009/10, 2011/12, 2012/13 جانە 2016/17 ماۋسىمداردا العان بولاتىن. مەسسي «التىن بۋتسى» سىيلىعىن ەڭ كوپ يەلەنگەن فۋتبولشى. ەكىنشى ورىندا - بۇگىندە «يۋۆەنتۋس» ساپىندا ويناپ جۇرگەن كريشتيانۋ رونالدۋ. ونىڭ ەنشىسىندە 4 جۇلدە بار.