بۇگىن قازاقستان اۋماعىندا اۋا رايى قۇبىلمالى بولادى

«قازگيدرومەت» رمك مالىمەتىنە سايكەس, رەسپۋبليكانىڭ بىرقاتار ايماقتارىنا تۇمان ءتۇسىپ, كوكتايعاق, بۇرقاسىن بولادى جانە جەل كۇشەيەدى.

جامبىل وبلىسىنىڭ كەي جەرلەرىندە تۇمان ءتۇسىپ, كوكتايعاق, بۇرقاسىن بولادى. جەلدىڭ جىلدامدىعى سەكۋندىنا 15-20 مەتر بولادى, تۇندە جانە تاڭەرتەڭ ەكپىنى 23-28 م/س-قا دەيىن كۇشەيەدى.

تۇركىستان وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى, جەلدىڭ جىلدامدىعى سەكۋندىنا 15-20 مەترگە جەتەدى, ەكپىنى 25 م/س بولادى.

الماتى وبلىسىنىڭ كەي جەرلەرىندە تۇمان ءتۇسىپ, كوكتايعاق بولادى. جەل سەكۋندىنا 17-22 م/س جىلدامدىقپەن ۇيىتقيدى.

قىزىلوردا وبلىسىنىڭ كەي جەرلەرىندە تۇمان تۇسەدى, كوكتايعاق بولادى. تۇندە كەي جەرلەردە جەلدىڭ جىلدامدىعى سەكۋندىنا 15-20 مەترگە دەيىن كۇشەيەدى.

شىعىس قازاقستان وبلىسىنىڭ كەي جەرلەرىندە بۇرقاسىن, جولدارىندا كوكتايعاق بولادى, جەل 15-20 م/س-قا دەيىن كۇشەيەدى.

قوستاناي, سولتۇستىك قازاقستان, قاراعاندى وبلىستارىنىڭ كەي جەرلەرىندە تۇمان ءتۇسۋى ىقتيمال. قوستاناي, سولتۇستىك قازاقستان وبلىستارىندا جاياۋ بۇرقاسىن بولادى.

قاراعاندى وبلىسىندا كوكتايعاق بولادى. اقمولا, باتىس قازاقستان, ماڭعىستاۋ, اكتوبە, پاۆلودار وبلىستارىنىڭ كەي جەرلەرىندە تۇمان تۇسەدى.