قازاقستان رەسپۋبليكاسى مادەنيەت جانە سپورت مينيسترلىگىنىڭ ۇيىمداستىرۋىمەن «Qazaqconcert» مەملەكەتتىك كونتسەرتتىك ۇيىمى گيننەستىڭ رەكوردتار كىتابىنا ەنگەن الەمگە ايگىلى «Notre Dame de Paris» ميۋزيكلىن قازاق تىلىندە ۇسىنادى. اتاقتى فرانتسۋزدىق-كانادالىق ميۋزيكلدىڭ پرەمەراسى 2018 جىلعى 18-24 جەلتوقسان كۇندەرى ارالىعىندا بەيبىتشىلىك جانە كەلىسىم سارايىندا وتەدى.
«رۋحاني جاڭعىرۋ» باعدارلاماسى مەن ەلوردانىڭ 20 جىلدىق مەرەيتويى اياسىندا تاۋەلسىز قازاقستاننىڭ مادەني تاريحىندا تۇڭعىش رەت الەمگە ايگىلى «Notre Dame de Paris» ميۋزيكلىنىڭ قازاق تىلىندە ساحنالانۋى ەلىمىز ءۇشىن ۇلكەن مارتەبە.
الەمدىك مادەنيەتتىڭ جاۋھارىنا اينالعان «Notre Dame de Paris» ميۋزيكلى – گيننەستىڭ رەكوردتار كىتابىنا ەنگەن وزىق تۋىندى. دۇنيەجۇزى بويىنشا 11 ميلليوننان استام كورەرمەن تاماشالاپ ۇلگەرگەن ۇزدىك شەدەۆر الەمنىڭ توعىز تىلىنە اۋدارىلعان. «رۋحاني جاڭعىرۋ» باعدارلاماسى اياسىندا قازاقستان اتاقتى ميۋزيكلدى ءوزىنىڭ مەملەكەتتىك تىلىنە اۋدارعان ونىنشى ەل بولىپ وتىر. ەندى, حح عاسىردىڭ ۇزدىك اندەرى اتانعان «Belle», «Danse mon esmeralda», «Le Temps des Cathedrales» ولەڭدەرى قازاق تىلىندە ورىندالادى.