تۇركىستان وبلىسىندا قارجى ۇيىمدارى تاراپىنان شاعىن جانە ورتا كاسىپكەرلىكتى دامىتۋعا كورسەتىلگەن قولداۋلار ناتيجەسىندە كاسىپكەرلىككە بەت بۇرعاندار سانى ارتىپ كەلەدى.
مىسالى, «ىرىس» ميكروقارجى ۇيىمى اشىلعان 2009 جىلدان بۇگىنگە دەيىن 17367 جوبانى قولداپ, 16 مىڭنان استام جاڭا جۇمىس ورنىنىڭ اشىلۋىنا ىقپال ەتتى. ال بيىلعى جىل باسىنان بەرى جالپى سوماسى 4 387,7 ملن.تەڭگەنى قۇرايتىن 1228 جوبانى قارجىلاندىرعان. جۇزەگە اسقان جوبالار شەڭبەرىندە 1300-دەن استام جاڭا جۇمىس ورنى اشىلدى. قارجىلاندىرىلعان جوبالاردىڭ 31,9% مال شارۋاشىلىعىن دامىتۋعا باعىتتالىپ, 371 جوباعا نەسيە بولگەن. كوكتەمگى ەگىستىك جۇمىستارى بويىنشا 766 جوبا, جىلىجاي شارۋاشىلىعى بويىنشا 15 جوباعا قولداۋ كورسەتكەن. «جاس كاسىپكەر» باعدارلاماسى شەڭبەرىندە 18 بەن 29 جاس ارالىعىنداعى ىسكەر جاستارعا 20 ملن. تەڭگە نەسيە بەرىلگەن.
سونداي-اق «ىرىس» ميكروقارجى ۇيىمى فەرمەرلەرگە الدىن-الا تولەمسىز قارجى ليزينگىن بەرىپ, «ىرىس-وركەندەۋ» باعدارلاماسى بويىنشا كاسىپكەرلەرگە اۋىلشارۋاشىلىق تەحنيكاسىن جانە اۋىلشارۋاشىلىق تەحنيكاسىن ساتىپ الۋعا قولداۋ كورسەتۋدە.
عالىمجان ەلشىباي,
«ەگەمەن قازاقستان»
تۇركىستان وبلىسى