قازاقستان رەسپۋبليكاسىنىڭ تاۋەلسىزدىك كۇنىنە ارنالعان سالتاناتتى ءىس-شارادا 80-گە جۋىق پوليتسيا قىزمەتكەرىنە ءتۇرلى ماراپاتتار تاپسىرىلدى.
وبلىستىق پوليتسيا دەپارتامەنتى باستىعىنىڭ ورىنباسارى, پوليتسيا پولكوۆنيگى قانات ايتباەۆ ارداگەرلەر مەن ارىپتەستەرىن تاۋەلسىزدىك مەرەكەسىمەن قۇتتىقتادى. قىزمەت كورسەتۋدىڭ سەرۆيستىك ۇلگىسى بويىنشا ۆەدوموستۆوجدا جارقىن مىسالدار كوپ, دەدى ول ءوز سوزىندە.
قىزمەتتەرىن ادال اتقارىپ, جوعارى جەتىستىكتەرگە جەتكەنى ءۇشىن بەس قىزمەتكەر «استاناعا 20 جىل» مەرەيتويلىق مەدالىن , ءتورت وفيتسەر وبلىس اكىمىنىڭ قۇرمەت گراموتاسىن, 50 استام قىزمەتكەر ىشكى ىستەر ءمينيسترىنىڭ ماراپاتتارىن الدى.
ءۇش قىزمەتكەردىڭ شەنى جوعارىلاتىلدى. ولاردىڭ اراسىندا «پوليتسيا پولكوۆنيگى» شەنىنە تىلدىق قامتاماسىز ەتۋ باسقارماسىنىڭ باستىعى ناريمان ىبىراەۆ يە بولدى. ول ىشكى ىستەر ورگاندارىندا 1997 جىلدان قىزمەت ەتىپ كەلەدى. «پوليتسيا پودپولكوۆنيگى» شەنىن قالالىق جەرگىلىكتى پوليتسيا قىزمەتى ءبولىمى باستىعىنىڭ ورىنباسارى شامشيدەن اقىشوۆ تا الدى. وفيتسەرلەردىڭ ايتۋىنشا, مۇنداي ماراپات قىزمەتتىك مىندەتتەردى ۇلگىلى اتقارۋعا مىندەتتەيدى.
مەرەكەلىك ءىس-شارا دەپارتامەنتتىڭ مادەني ورتالىعىنىڭ كونتسەرتىنە ۇلاستى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى