«Qazaqstan» ۇلتتىق تەلەارناسى تاۋەلسىزدىك كۇنىنە وراي «جەلتوقساننىڭ 16 كۇنى» اتتى دەرەكتى ءفيلمىن دايىندادى.
ارحيۆتىك قۇجاتتار مەن ناقتى دەرەكتەرگە نەگىزدەلگەن فيلم ەلىمىزدىڭ تاريحي كەزەڭى – قازاقستان رەسپۋبيكاسىنىڭ تاۋەلسىزدىككە قول جەتكىزۋىنە ارقاۋ بولعان, 1991 جىلدىڭ جەلتوقسانىندا ورىن العان ساياسي وقيعالاردى باياندايدى.
پرەزيدەنت نۇرسۇلتان نازارباەۆ ءوزىنىڭ ەكسكليۋزيۆتى سۇحباتىندا كسرو مەن باسقا دا كەڭەستىك رەسپۋبليكالاردىڭ باسشىلارى اراسىنداعى قارىم-قاتىناسى, سول كەزەڭدەگى نەگىزگى وقيعالار مەن قازاقستاننىڭ الدىندا تۇرعان الەۋمەتتىك-ەكونوميكالىق جانە ىشكى ساياساتتىڭ كۇردەلى مىندەتتەرى تۋرالى ەستەلىكتەرىمەن ءبولىستى.
«جەلتوقساننىڭ 16 كۇنى» ارنايى جوباسىنىڭ جەتەكشىسى داۋرەن اباەۆ, فيلم اۆتورى ەرلان قارين, رەجيسسەرى دميتري بوگومولوۆ, مونتاج رەجيسسەرى ايزاتۋللا حۋسسەين. اتالعان دەرەكتى فيلم 18 جەلتوقسان كۇنى ساعات 21:30-دا «Qazaqstan» ۇلتتىق تەلەارناسىندا كورسەتىلەدى.