استاناداعى كونگرەسس-ورتالىقتا مەملەكەت باسشىسى نۇرسۇلتان نازارباەۆتىڭ قاتىسۋىمەن يندۋستريالاندىرۋ كۇنى اياسىندا «يندۋستريالاندىرۋدىڭ ەكىنشى بەسجىلدىعى: قازاقستاندا جاسالعان» تەلەكوپىرى ءوتتى. اتالعان شارادا ەلىمىزدىڭ ءار وڭىرىمەن تىكەلەي بايلانىس ورناپ, ونلاين رەجىمدە بىرقاتار يندۋستريالىق, ينفراقۇرىلىمدىق, اگرارلىق جانە تسيفرلى جوبالار ىسكە قوسىلدى.
يندۋستريالاندىرۋ كۇنى شەڭبەرىندەگى جيىندا پرەمەر-مينيستر باقىتجان ساعىنتاەۆ بيزنەستىڭ ۇزدىك وكىلدەرىنە ءتيىستى سىي-سياپاتىن تابىستادى. بيىل قازاقستان پرەزيدەنتىنىڭ «التىن ساپا» سىيلىعىنىڭ جەڭىمپازدارى تىزىمىندە «ازىق-ت ۇلىك جəنە اۋىل شارۋاشىلىعى ونىمدەرىن شىعاراتىن ۇزدىك كəسىپورىن» اتالىمى بويىنشا اقمولا وبلىسىنداعى «گورمولزاۆود» جشس ماراپاتقا يە بولدى. بۇل ۇشتىكتە الماتى وبلىسىنداعى «رىبپروم» جشس, الماتى قالاسىنداعى «بيجان» ەت وڭدەۋ كەشەنى» جشس دا بار. بيىل ەلباسىنىڭ «التىن ساپا» سىيلىعىن الۋعا ۇمىتكەر رەتىندە 182 كəسىپورىن قاتىسقانىن اتاپ وتكىمىز كەلەدى.
الپىس جىلدان استام تاريحى بار كاسىپورىن ءونىمنىڭ 40 ءتۇرىن شىعارادى. مۇنىڭ ىشىندە قۇرت, قوسپا سياقتى ۇلتتىق برەندتەرىمىز دە بار. تاۋلىگىنە 4 توننادان ارتىق ءونىم وندىرەتىن زاۋىت استانا, الماتى, قاراعاندى, جەزقازعان, قوستاناي جانە كوكشەتاۋ قالالارىنىڭ نارىعىندا تانىمال بولىپ وتىر. سونداي-اق, كوكشەتاۋ كاسىپورنىنىڭ ساپالى بالمۇزداقتارىنا سۇرانىس جوعارى.
– مەملەكەتتىڭ كەڭ كولەمدى قولداۋىنا سۇيەنە وتىرىپ, ءوندىرىستى ءارتاراپتاندىرۋ, ياعني, كلاستەرلىك قادامدارعا دەن قويۋدامىز, – دەيدى وبلىستىق ءماسليحاتتىڭ دەپۋتاتى, زاۋىت ديرەكتورى اسەن جاقسىلىقوۆ.
– زەرەندى اۋدانىنداعى پريرەچنوە اۋىلىندا تاۋارلى-ءسۇت فەرماسىن قۇرىپ, وندا 100 باس ساۋىن سيىرىن ۇستاۋدامىز. جاقىن جىلدارى ونىڭ سانىن ەكى ەسە ارتتىرساق دەگەن ويدامىز. سونداي-اق, 49 جىلعا جالعا العان 800 گەكتار جەرىمىز بار. مۇندا ەكپە ءشوپتىڭ ءۇش ءتۇرى ەگىلەدى. سۇرلەمدىك جۇگەرى ءوسىرۋ نيەتىندەمىز. ياعني, جەم-شوپتەن تارىقپايمىز دەگەن ويدامىن. ۇجىمداعى 140 ادامنىڭ بارلىعى ءوز ىسىنە بەرىلگەن ادال جاندار.
ءيا, «التىن ساپانى» التىن قولدى ازاماتتار جاسايدى.
بايقال ءبايادىل,
«ەگەمەن قازاقستان»