رەسپۋبليكالىق قوعامدىق-ساياسي ء«بىزدىڭ دەپۋتات» گازەتى ەلىمىزدەگى حالىق قالاۋلىلارىنىڭ ءبىر جىل ىشىندە اتقارعان جۇمىستارىن سارالاي كەلىپ, وبلىستىق ءماسليحاتتىڭ دەپۋتاتى التىنبەك ساپاروۆتى «ۇزدىك دەپۋتات» توسبەلگىسىمەن ماراپاتتادى.
اۋقىمدى ىستەر مەن ناتيجەلى باستامالاردى اركەز قوستاپ جۇرەتىن «نوعايباي» جشس-ءنىڭ جەتەكشىسى التىنبەك سەيپىل ۇلىنىڭ ەسىمى وبلىستا ايرىقشا قۇرمەتپەن اتالادى. ول بۇگىندە 200-گە جۋىق اۋىلداسىنىڭ الاڭسىز ەڭبەك ەتۋىنە جان-جاقتى مۇمكىندىك تۋدىرىپ وتىر.
العاشقى دەپۋتاتتىق مانداتىن 2007 جىلى م. جۇماباەۆ اۋداندىق ءماسليحاتىنان العان بولاتىن. 2012 جىلى وبلىستىق ءماسليحاتتىڭ دەپۋتاتى بولىپ سايلاندى. ودان كەيىن دە سايلاۋشىلار ەكىنشى مارتە ۇلكەن سەنىم كورسەتتى.سودان بەرى قوعامدىق جۇمىستارعا, ادامداردىڭ الەۋمەتتىك تۇرمىسىن شەشۋگە بەلسەنە ارالاسىپ كەلەدى. اۋىل كوشەلەرىنە اسفالت توسەلدى, ەلەكت باعانالارى تارتىلىپ, ەلەكتر قۋاتىن ۇنەمدەيتىن شامدار ورناتىلدى. بالالاردىڭ ەكى ويىن الاڭى مەن جاساندى جامىلعىسى بار فۋتبول الاڭى سالىندى. 36 ميلليون تەڭگەگە 5 ءۇي تۇرعىزىلدى. قاراقوعا-نوعايباي جول اۋماعىنا قيىرشىق تاس توسەلىپ, قالپىنا كەلتىرىلدى. بارلىق ۇيلەرگە جىلۋ جانە كارىز جۇيەلەرى تارتىلدى. سايلاۋشىلاردىڭ اماناتى بويىنشا بەيناش اۋىلىنا اپاراتىن جول تەگىستەلىپ, بايتەرەك اۋىلىنا سۋ قۇبىرى قويىلدى.
سەرىكتەستىك ەگىنشىلىكپەن, ءتورت ت ۇلىك, ونىڭ ىشىندە اسىل تۇقىمدى مال وسىرۋمەن اينالىسادى. جىلىنا ءار سيىردان 5500-5800 ليتر ءسۇت ساۋىلادى.
كوپ جىلعى قاجىرلى ەڭبەگى ءۇشىن ىسكەر باسشى «قۇرمەت» وردەنىمەن, باسقا دا مەملەكتتىك ناگرادالارمەن ماراپاتتالعان.
«ۇزدىك دەپۋتات» توسبەلگىسى وبلىستىق ءماسليحاتتىڭ كەزەكتى 27 سەسسياسىندا سالتاناتتى تۇردە تابىس ەتىلدى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى