بۇگىن – اتا بابامىزدىڭ ارمانى ورىندالىپ, جاسامپازدىعىمىزدى جاڭا بەلەسكە كوتەرگەن تاۋەلسىزدىك كۇنى.
1991 جىلعى 16 جەلتوقساندا نۇرسۇلتان نازارباەۆ قول قويعان كونستيتۋتسيالىق زاڭنان باستاۋ العان تاۋەلسىزدىگىمىزگە 27 جىل تولدى.
تاۋەلسىزدىك كۇنى - 1991 جىلعى جەلتوقساننىڭ 16-سىندا قازاقستان رەسپۋبليكاسىنىڭ پرەزيدەنتى ن.ءا.نازارباەۆ قول قويعان «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» جانە 2008 جىلعى 25 ماۋسىمداعى جانە 2009 جىلعى 22 ساۋىردەگى زاڭدارمەن وزگەرتۋلەر ەنگىزىلگەن 2001 جىلعى جەلتوقساننىڭ 13-ىندە «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسى زاڭدارىنا سايكەس اتالىپ وتەدى.