قازاقستان رەسپۋبليكاسىنىڭ تاۋەلسىزدىك مەرەكەسىنە وراي سپورت سارايىندا سالتاناتتى جيىن ءوتىپ, ايماق باسشىسى سولتۇستىكقازاقستاندىقتاردى ۇلىق مەرەكەمەن قۇتتىقتادى.
«وتانىمىزدىڭ تاۋەلسىزدىگى مەن ونىڭ تابىستارى تۇڭعىش پرەزيدەنت–ەلباسى نۇرسۇلتان ءابىش ۇلى نازارباەۆتىڭ ەسىمىمەن تىعىز بايلانىستى ەكەنىن اتاپ كورسەتىپ, ەلىمىز الەمگە كوشباسشى, بىتىمگەرشىل ەل رەتىندە تانىلعانىن جەتكىزدى. قازاقستان–بەدەلدى, ىنتىماقتاستىقتىڭ بارلىق ماسەلەلەرى بويىنشا جاۋاپكەرشىلىگى زور ارىپتەس. ەلباسىمىزدىڭ باستامالارى ءاردايىم الەم مەملەكەتتەرى باسشىلارى تاراپىنان قولداۋ تاۋىپ كەلەدى», دەدى قۇتتىقتاۋ سوزىندە قۇمار ىرگەباي ۇلى.
مەملەكەتتىك جانە قوعامدىق قىزمەتكە سىڭىرگەن ەڭبەگى, ەلدىڭ الەۋمەتتىك-ەكونوميكالىق جانە مادەني دامۋىنا, حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى ءۇشىن پرەزيدەنتتىڭ جارلىعىمەن ماراپاتتالعان ءبىر توپ جەرلەسىمىزگە ەرەكشە قرمەت كورسەتىلدى. ولاردىڭ اراسىندا "پاراسات»" وردەنىمەن «دايىندىق» جشس-ءنىڭ باسشىسى ءبىرجان شايمەردەنوۆ, «قۇرمەت» وردەنىمەن «دامۋ مۇمكىندىگى شەكتەۋلى بالالارعا ارنالعان № 2 ارنايى مەكتەپ-ينتەرناتتىڭ ديرەكتورى نيكولاي حوۆانسكي, «ەرەن ەڭبەگى ءۇشىن» مەدالىمەن كاسىبي بوكستان الەمنىڭ ەكس-چەمپيونى جانات جاقيانوۆ, «شاپاعات» مەدالىمەن كىشكەنەكول ورتا مەكتەبىنىڭ ۇستازى بايان ءساتىموۆا, تاعى باسقالارى ماراپاتتالدى.
سالتاناتتى ءىس-شارا جەرگىلىكتى كوركەمونەرپازداردىڭ كونتسەرتىنە ۇلاستى.
جيىنعا قاتىسۋشىلار بەلگىلى ءانشى ءمادينا سادۋاقاسوۆانىڭ تامىلجىتا سالعان اندەرىن ۇيىپ تىڭدادى.
ءومىر ەسقالي,
«ەگەمەن قازاقستان»
سولتۇستىك قازاقستان وبلىسى