بوكستان قازاقستان ۇلتتىق قۇراماسىنىڭ باس باپكەرى بولىپ عالىمبەك كەنجەباەۆ تاعايىندالدى. ول كوماندانى 2009 جىلدان بەرى جاتتىقتىرعان مىرزاعالي ايتجانوۆتى الماستىردى دەپ حابارلايدى Olympic.kz. قازاقستاندىق بوكس فەدەراتسياسى ۇسىنعان ۇمىتكەردى قر مəدەنيەت جəنە سپورت مينيسترلىگى قۇپتادى.
مىرزاعالي ايتجانوۆتىڭ باسشىلىعىمەن قازاقستان بوكسشىلارى əلەم ۇزدىكتەرىنىڭ قاتارىنا ەنىپ, ازيادا ۇزدىك ۇشتىكتەن كورىندى. لوندوندا سەرىك سəپيەۆ, ريودا دانيار ەلەۋسىنوۆ وليمپيادا چەمپيونى اتاندى. ايتجانوۆتىڭ باسشىلىعىمەن قازاق بوكسشىلارى əلەم چەمپيوناتتارىنان 5 التىن جەڭىپ الدى (2013 جىلى 4, 2017 جىلى 1 التىن)
مىرزاعالي ايتجانوۆ əلەم ۇزدىكتەرىمەن يىق تىرەستىرەتىن مىقتى قۇرام جاساقتاپ شىقتى. قازاقستان بوكس فەدەراتسياسى ۇزاق جىلعى ەڭبەگى ءۇشىن مىرزاعالي قۇلان ۇلىنا العىس ءبىلدىردى. فەدەراتسيا باسشىلىعى قۇراما باپكەرىن اۋىستىرىپ, جاڭا ءəدىس, تىڭ تəسىلدەر ىزدەيتىن ۋاقىت كەلدى دەپ ەسەپتەيدى.
«بۇگىندە ءبىزدىڭ كوماندا ءبىر ورىندا تۇرىپ قالدى. بىرنەشە جىلدان بەرى دايىندىق بارىسىندا وزگەرىس جوق. سوندىقتان, ءبىز باپكەردى اۋىستىرىپ, ۇنەمى جاڭاشىلدىق ىزدەيتىن, بوكسشىلارى كەرەمەت نəتيجە كورسەتەتىن جاستار قۇراماسىنىڭ باس باپكەرى عالىمبەك كەنجەباەۆتى ۇسىندىق»,- دەيدى قبف باپكەرلەر شتابىمەن جۇمىس ءبولىمىنىڭ باسشىسى يۋري تسحاي.
عالىمبەك كەنجەباەۆ 35 جىلدان باپكەرلىك قىزمەتتە كەلەدى. 1998-2005 جىلدار ارالىعىندا گەننادي گولوۆكيننىڭ جەكە باپكەرى بولدى. 2006 جىلدان 2009 جəنە 2013 جىلدان بۇگىنگە دەيىن جاستار قۇراماسىنىڭ باس باپكەرى. كەنجەباەۆتىڭ باسشىلىعىمەن قازاقستان جاستار قۇراماسى جاسوسپىرىمدەر وليمپياداسىنان 2 التىن يەلەنىپ, 5 ازيا چەمپيوناتىندا جالپىكوماندالىق ەسەپتە 1-ورىن يەلەندى.