الماتىدا ورتا ءبىلىم بەرەتىن مەكەمەلەردىڭ «ۇستاز مارتەبەسى – ۇلت مەرەيى» قالالىق بايقاۋىنىڭ قورىتىندىسى بويىنشا ۇزلدىكتەر ماراپاتتالدى.
ۇستازدار اراسىندا مۇنداي بايقاۋ وتكىزۋدىڭ باستاماشىسى - «تۋعان جەر» باعدارلاماسى اياسىندا وقۋ مەكەمەسىن سالىپ بەرگەن جەرگىلىكتى كاسىپكەر مۇرات ءادىلحانوۆ.
قالانىڭ جۇزدەن استام ۇستازدارى قاتىسقان بايقاۋدا №159 مەكتەپتىڭ قازاق ءتىلى مەن ادەبيەتى ءپانىنىڭ مۇعالىمى ساۋلە احمەتوۆا الماتىنىڭ «ۇزدىك مۇعالىمى» اتانىپ, جەڭىمپازعا №168 مەكتەپتە سالتاناتتى تۇردە جاڭا كولىكتىڭ كىلتى تاپسىرىلدى. №140 مەكتەپتىڭ ينفورماتيكا ءپانىنىڭ مۇعالىمى نۇرعالى نۇرىمبەتوۆكە وتباسىلىق دەمالىستىڭ جولداماسى بەرىلسە, بىرقاتار ۇستازدارعا ديپلومدار مەن 500 جانە 300 مىڭ ءىرى تەڭگەلىك سەرتيفيكاتتار تابىس ەتىلدى.
مەملەكەت باسشىسىنىڭ قولداۋى ارقاسىندا الماتىدا 117 وقۋ ورىندارى سالىندى. تەك سوڭعى بەس جىل ىشىندە عانا ءبىلىم سالاسىن قارجىلاندىرۋ مەگاپوليستە 37%-عا نەمەسە 27 ملرد. تەڭگەگە ءوستى. قازىرگى كەزدە ءبىلىم سالاسىنىڭ ينفراقۇرىلىمىن دامىتۋعا ەرەكشە نازار اۋدارىلۋدا. تەك بيىلدىڭ وزىندە عانا قۇرىلىس پەن كۇردەلى جوندەۋ جۇمىستارىنا 17 ملرد. تەڭگەدەن استام قارجى ءبولىندى. وسىنداي مالىمەتتەرمەن بولىسكەن قالا اكىمى اكىمى باۋىرجان بايبەك جەڭىمپازدارعا ءسات-ساپار تىلەدى.
ەلۆيرا سەرىكقىزى,
«ەگەمەن قازاقستان»
الماتى