فۋتبولدان قازاقستان جاستار قۇراماسىنىڭ 2021 جىلى ۆەنگريا مەن سلوۆەنيادا وتەتىن ەۋروپا چەمپيوناتىنىڭ ىرىكتەۋ كەزەڭىندەگى قارسىلاستارى بەلگىلى بولدى.
جەرەبە قورىتىندىسى بويىنشا, تالعات بايسۋفينوۆ جاتتىقتىراتىن جاستار قۇراماسى يسپانيا, يزرايل, چەرنوگوريا, ماكەدونيا جانە فارەر ارالدارى فۋتبولشىلارىمەن ءبىر توپقا ءتۇستى. ەۋروپا چەمپيوناتىنىڭ وتكەن ىرىكتەۋ كەزەڭىندە قازاقستان قۇراماسى چەرنوگوريامەن ءبىر توپتا سىنعا تۇسكەن بولاتىن.
2021 جىلعى ەۋروپا چەمپيوناتىنىڭ ىرىكتەۋ ءتۋرنيرىنىڭ ويىندارى 2019 جىلدىڭ ناۋرىزىندا باستالىپ, 2020 جىلدىڭ قازان ايىندا اياقتالادى.
ءالي بيتورە,
«ەگەمەن قازاقستان»