قازاقستان ورتالىق سايلاۋ كوميسسياسى توراعاسىنىڭ ورىنباسارى ك.پەتروۆتىڭ باسشىلىعىمەن كوميسسيانىڭ كەڭەيتىلگەن وتىرىسى بولدى.
وتىرىستا مۇمكىندىكتەرى شەكتەۋلى ازاماتتاردىڭ سايلاۋ قۇقىقتارىن قامتاماسىز ەتۋ جونىندەگى ۇسىنىمدار تۋرالى جانە جەرگىلىكتى اتقارۋشى ورگانداردىڭ 2018 جىلعى 28 قازانداعى ءماسليحاتتاردىڭ شىعىپ قالعان دەپۋتاتتارىن سايلاۋ قورىتىندىلارى بويىنشا مۇمكىندىكتەرى شەكتەۋلى ازاماتتاردىڭ سايلاۋ قۇقىقتارىن قامتاماسىز ەتۋ جونىندەگى «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ تالاپتارىن ىسكە اسىرۋ جونىندەگى ماسەلەلەر قارالدى.
وتىرىس بەينەبايلانىس رەجىمىندە ءماجىلىس دەپۋتاتى ج.وماربەكوۆانىڭ, ادىلەت, ەڭبەك جانە حالىقتى الەۋمەتتىك قورعاۋ مينيسترلىكتەرىنىڭ, ادام قۇقىقتارى جونىندەگى ۇلتتىق ورتالىق وكىلدەرىنىڭ, وبلىستاردىڭ, استانا, الماتى, شىمكەنت قالالارى اكىمدەرى ورىنباسارلارىنىڭ, كەڭەسشىلەرىنىڭ, جۇمىسپەن قامتۋ جانە حالىقتى الەۋمەتتىك قورعاۋدى ۇيلەستىرۋ باسقارمالارى باسشىلارىنىڭ, سونداي-اق ۇكىمەتتىك ەمەس جانە حالىقارالىق ۇيىمدار وكىلدەرىنىڭ قاتىسۋىمەن ءوتتى.
وتىرىستى اشقان ك.پەتروۆ بۇۇ-نىڭ مۇگەدەكتەردىڭ قۇقىقتارى جونىندەگى كونۆەنتسياسى ادام قۇقىقتارىن قورعاۋ سالاسىنداعى باستى قۇجاتتاردىڭ ءبىرى بولىپ تابىلاتىنىن اتاپ كورسەتتى. وسىعان سايكەس 2018 جىلى سايلاۋ زاڭناماسىنا مۇگەدەكتەردىڭ سايلاۋ قۇقىقتارى بويىنشا ماڭىزدى تولىقتىرۋلار ەنگىزىلدى. اتاپ ايتقاندا, ولار ۋچاسكەلىك سايلاۋ كوميسسيالارىنىڭ مۇمكىندىكتەرى شەكتەۋلى ازاماتتاردىڭ سايلاۋ قۇقىقتارىن ىسكە اسىرۋ بويىنشا قاجەتتى شارالار قابىلداۋ, جەرگiلiكتi اتقارۋشى ورگانداردىڭ سايلاۋ كوميسسيالارىنا مۇمكىندىكتەرى شەكتەۋلى ازاماتتاردىڭ سايلاۋ قۇقىقتارىن قامتاماسىز ەتۋ جونiندەگi جۇمىستا جاردەمدەسۋى جانە داۋىس بەرۋگە ارنالعان ءۇي-جايلاردى جابدىقتاۋ كەزىندە مۇمكىندىكتەرى شەكتەۋلى ازاماتتار بولىپ تابىلاتىن سايلاۋشىلاردىڭ كەدەرگىسىز كىرۋى جانە وندا داۋىس بەرۋى ءۇشىن جاعدايلاردى قامتاماسىز ەتۋى ماسەلەلەرىنە قاتىستى بولدى.
وتىرىسقا قاتىسۋشىلاردىڭ قاراۋىنا ۇسىنىلعان مۇمكىندىكتەرى شەكتەۋلى ازاماتتاردىڭ سايلاۋ قۇقىقتارىن قامتاماسىز ەتۋ جونىندەگى ۇسىنىمداردىڭ جوباسىن ورتالىق سايلاۋ كوميسسياسىنىڭ جۇمىس توبى ازىرلەدى, جۇرتشىلىقپەن مۇددەلى تۇلعالاردىڭ تانىسۋى ءۇشىن وسك-نىڭ سايتىندا ورنالاستىرىلدى جانە الدىن الا اۋماقتىق سايلاۋ كوميسسيالارىنا, استانا, وبلىستار, رەسپۋبليكالىق ماڭىزى بار قالالار اكىمدەرىنىڭ كەڭەسشىلەرىنە جىبەرىلدى.
وسى ۇسىنىمداردى قابىلداۋدىڭ ماقساتى – سايلاۋ كوميسسيالارىنىڭ, جەرگىلىكتى اتقارۋشى ورگانداردىڭ, باسقا دا مەملەكەتتىك جانە مەملەكەتتىك ەمەس ورگانداردىڭ, قوعامدىق بىرلەستىكتەردىڭ قازاقستان رەسپۋبليكاسىنىڭ مۇمكىندىكتەرى شەكتەۋلى ازاماتتارى ءۇشىن ولاردىڭ سايلاۋشىلار, سايلانبالى لاۋازىمدارعا, سونداي-اق سايلاۋ كوميسسيالارى قۇرامدارىنا كانديداتتار رەتىندەگى قۇقىقتارىن ىسكە اسىرۋعا ىقپال ەتەتىن قاجەتتى جانە جەتكىلىكتى جاعدايلار جاساۋ جونىندەگى ءوزارا ءىس-قيمىلىن قامتاماسىز ەتۋ.
ەكىنشى ماسەلە بويىنشا ءسوز سويلەگەندەر جەرگىلىكتى اتقارۋشى ورگانداردىڭ 2018 جىلعى 28 قازانداعى شىعىپ قالعان ءماسليحات دەپۋتاتتارىنىڭ ورنىنا سايلاۋدان كەيىن مۇگەدەكتەردىڭ قۇقىقتارىن قامتاماسىز ەتۋ بويىنشا اتقارىلعان جۇمىس تۋرالى مالىمدەدى.
كەڭەيتىلگەن وتىرىسقا قاتىسۋشىلارمەن پىكىر الماسۋ بارىسىندا وڭىرلەردەن قوسىمشا ۇسىنىستار كەلىپ ءتۇستى, ولار ۇسىنىمداردى قابىلداۋ كەزىندە ەسكەرىلەتىن بولادى.
جولدىباي بازار,
«ەگەمەن قازاقستان»