№82 «دارىن» مامانداندىرىلعان ليتسەيىندە ەلباسىنىڭ « ۇلى دالانىڭ جەتى قىرى» اتتى ماقالاسىن تالقىلاۋعا ارنالعان TEDx فورماتىندا جيىن ءوتتى. وعان بەلگىلى قوعام قايراتكەرى ورازكۇل اسانعازى, "ەگەمەن قازاقستان" گازەتىنىڭ باسقارما توراعاسى دارحان قىدىرالى, ل.گۋميلەۆ اتىنداعى ەۇۋ جۋرناليستيكا جانە ساياساتتانۋ فاكۋلتەتىنىڭ دەكانى قايرات ساق, «قازاقپارات» حاا باس ديرەكتورى اسقار وماروۆ, اتا-انالار جانە وقۋشىلار قاتىستى.
ۇلتتىق قۇندىلىقتاردى دارىپتەۋگە ارنالعان جيىندا ورازكۇل اسانعازى قاتىسۋشىلاردى تاۋەلسىزدىك كۇنىمەن قۇتتىقتادى. سونداي-اق مەملەكەت باسشىسىنىڭ ء«بىز 27 جىلدا قازاقتى الەمگە پاش ەتىپ, كورىكتى استانا قالاسىن قۇردىق. ەندى مىنە بيىلدان باستاپ قازاقتىڭ ءتول ءالىپبيىن جاسايمىز» دەگەن سوزىنە توقتالدى. «ەلباسىنىڭ باعدارلامالىق ماقالالارى مەملەكەتتىك دەڭگەيدە تالقىلانىپ, ونداعى يگى باستامالار جۇزەگە اسىپ جاتىر. بۇل ماقالا اۋەلى بولاشاق ۇرپاق ءۇشىن ماڭىزدى. ءبىز بالا, اتا-انا جانە ۇستاز اراسىن جالعايتىن «ۇلاعات ۇياسى» اتتى اتا-انا مەكتەبىن اشىپ, وقۋشىلاردىڭ بويىنا رۋحاني قۇندىلىقتار مەن انا ءتىلىنىڭ ءمان-ماڭىزىن ءسىڭىرىپ كەلەمىز. ءار بالا مەملەكەت باسشىسىنىڭ ماقالاسىن وقي وتىرىپ, بولاشاققا باعدار الۋى ءتيىس», دەدى ول. سونداي-اق و.اسانعازى «بولاشاققا باعدار: رۋحاني جاڭعىرۋ» ماقالاسىندا جازىلعان ۇلتتىق كود, ۇلتتىق مادەنيەت, ۇلتتىق بولمىستىڭ ماڭىزدىلىعىن اتاپ ءوتىپ, ولاردى جۇيەلى تۇردە تالدادى.
ءوز كەزەگىندە ءسوز العان «ەگەمەن قازاقستان» گازەتىنىڭ باسقارما توراعاسى دارحان قىدىرالى ۇلتتىق سانانى جاڭعىرتۋدا كىتاپ پەن گازەت وقۋدىڭ ماڭىزى ەرەكشە ەكەنىن اتاپ ءوتتى. ونىڭ ايتۋىنشا, ەلدىڭ رۋحاني جاڭعىرۋى ەڭ الدىمەن بالا تاربيەسىنەن باستالادى. سونداي-اق د.قىدىرالى ەلباسىنىڭ « ۇلى دالانىڭ جەتى قىرى» ماقالاسىندا جازىلعان جىلقىنى قولعا ۇيرەتۋ, اڭ ءستيلى, ۇلى دالاداعى ەجەلگى مەتاللۋرگيا جانە ۇلى ەسىمدەردىڭ ماڭىزىن جاس ۇرپاققا ءتۇسىندىردى.
بۇدان ءارى وقۋشىلار مەن اتا-انالار قوعام قايراتكەرلەرىنە سۇراق قويىپ, كوكەيدە جۇرگەن ساۋالدارىنا جاۋاپ الدى. جيىن سوڭىندا «دارىن» ليتسەيىنىڭ ديرەكتورى جامال قاسىمبەك قاتىسۋشىلارعا ريزاشىلىعىن ءبىلدىردى.
مارجان تىلەۋبەك,
«ەگەمەن قازاقستان»