بۇگىن - قازاق-قىرعىزدىڭ ورتاق حالىق جازۋشىسى, قوعام جانە مەملەكەت قايراتكەرى, قىرعىزستان عىلىم اكادەمياسىنىڭ, ەۋروپا عىلىم اكادەمياسىنىڭ اكادەميگى, سوتسياليستىك ەڭبەك ەرى شىڭعىس ايتماتوۆتىڭ تۋعان كۇنى.
بەلگىلى جازۋشى 1928 جىلى 12 جەلتوقساندا قىرعىز, رەسپۋبليكاسى تالاس ءوڭىرى, شەكەر اۋىلىندا دۇنيەگە كەلگەن.
ونىڭ «اسپالى كوپىر», ء«جاميلا», «العاشقى ۇستاز», «قوش بول, گۇلسارى», «ەرتەگىدەن سوڭ», «ەرتە قايتقان تىرنالار» تاعى باسقا اڭگىمە, پوۆەست جيناقتارى, «جانپيدا», «بوراندى بەكەت» روماندارى جارىق كوردى. «كوكتوبەدەگى كەزدەسۋ» (ق. مۇحامەدجانوۆپەن بىرگە) سپەكتاكلى كوپتەگەن ەلدەردىڭ تەاتر ساحنالارىندا قويىلدى. ايتماتوۆ جازۋشى م. و. اۋەزوۆتىڭ مول سالالى, كەڭ ارنالى شىعارماشىلىعىنا وي ايتقان «ۇستاز تۋرالى ءسوز» اتتى ماقالاسىندا «اباي جولى» ەپوپەياسىنىڭ باس كەيىپكەرى - اباي تۇلعاسىنا توقتالا كەلىپ: «اباي سەكىلدى وي-ارمانى ازات, شەتسىز اقىندىق, شەكسىز ادامدىق تۇلعانىڭ ءوزىن قورشاعان وجار, توپاس توڭ مويىن توپپەن تارتىسقا ءتۇسۋى جانە مۇنداعى سيرەك ۇشىراساتىن جاڭالىق پەن تازالىق ابايدى دۇنيەجۇزىلىك تراگەديانىڭ شىڭىنا شىعارادى...» - دەپ جازدى.
ايتماتوۆ كسرو مەملەكەتتىك سىيلىقتارىنىڭ, لەنيندىك سىيلىقتىڭ, كوپتەگەن حالىقارالىق سىيلىقتاردىڭ لاۋرەاتى.