بوس بوتەلكەلەردەن, قوراپتاردان جانە ەسكى تەحنيكادان كيىم مەن اكسەسسۋارلاردى جاساۋعا بولاتىن بولاتىنىن بىلەسىز بە؟
بەلگيالىق ديزاينەر سەباستيان دە نەبۋر كۇنگە قارسى كوزىلدىرىكتەردى ءوندىرۋ ءۇشىن سونداي قالدىقتاردى پايدالانادى. ول كوزىلدىرىكتىڭ ءمولدىر جيەگىن جاساۋ ءۇشىن گازدالعان سۋسىنداردىڭ بانكالارىن, اق كوزىلدىرىك جاساۋ ءۇشىن توڭازىتقىشتىڭ بولشەكتەرىن, ال قارا ءتۇرى ءۇشىن ءاۆتوموبيلدىڭ اسپاپتار پانەلىنىڭ بولىكتەرىن پايدالانادى.
«مەنىڭ ويىمشا, قالدىقتاردىڭ پايدا بولۋى جوبالاۋداعى قاتەلىكتەرگە بايلانىستى. بولاشاقتا قالدىق دەگەن ۇعىم مۇلدە جوعالاتىنىنا سەنىمدىمىن. وسى كوزىلدىرىكتەردى جاساۋ ارقىلى مۇنداي جولمەن وندىرىلگەن اكسەسسۋارلار مەن كيىمدەردىڭ ادەمى ءارى قولجەتىمدى بولۋى مۇمكىن ەكەندىگىن كورسەتكىم كەلەدى», دەيدى دە نەبۋر.
توم ديۋ دا قالدىقتاردان كيىم جاسايدى. ول ءوز برەندى ءۇشىن دجينسىدى... قايتا وڭدەلگەن دجينستەردەن جاسايدى. سونداي-اق ماتانىڭ قۇرامىنا اعاش جوڭقاسىنىڭ تالشىقتارى كىرەدى. وسىلايشا, HNST برەندىنىڭ يەلەرى ايتقانداي, ولاردىڭ ءبىر دجينستەرىن جاساۋعا كادىمگى شالبارلاردى وندىرۋگە قاراعاندا 6000 ليتر سۋ از جۇمسالادى.
«مىنە, ءبىز ماقتانى شىن مانىندە قايدان الامىز؟! بۇل وسىمدىكتى ءوسىرۋ ءۇشىن كوپ سۋ قاجەت, سوندىقتان ءبىز ماقتانى ەسكى دجينستەردەن الامىز», دەدى ديۋ.
بۇۇ ەۋروپالىق ەكونوميكالىق كوميسسياسىنىڭ ەسەپتەۋىنشە, ءساندى يندۋستريا 20% قالدىق سۋلاردى جانە 10% كومىرقىشقىل گازىنىڭ قالدىعىن شىعارادى. بۇل كورسەتكىش حالىقارالىق اۋە قاتىناسى مەن تەڭىز كەمە قاتىناسىنان پايدا بولاتىن لاستانۋ مولشەرىنەن كوپ.
© 2018 EURONEWS
ماقالانى اۋدارعان قارلىعاش قۇرامىس,
«ەگەمەن قازاقستان»