سىرتقى ىستەر مينيسترلىگىندە ادام قۇقىقتارىنىڭ حالىقارالىق كۇنى جانە بۇۇ باس اسسامبلەياسى ادام قۇقىقتارىنىڭ جالپىعا بىردەي دەكلاراتسياسىن قابىلداعانىنا 70 جىل تولۋىنا ارنالعان «مەملەكەتتىڭ جانە ازاماتتىق قوعام ينستيتۋتتارىنىڭ قۇقىق قورعاۋ قىزمەتى» اتتى دوڭگەلەك ۇستەل ءوتتى.
ءىس-شارادا مەملەكەتتىك حاتشى گۇلشارا ابدىقالىقوۆا, جوعارعى سوت توراعاسى جاقىپ اسانوۆ, پرەزيدەنت جانىنداعى ادام قۇقىقتارى جونىندەگى كوميسسياسىنىڭ توراعاسى قۋانىش سۇلتانوۆ, ديپلوماتيالىق كورپۋس, ازاماتتىق قوعام جانە ساراپشىلار قاۋىمداستىعىنىڭ وكىلدەرى قاتىستى.
سويلەگەن سوزىندە سىرتقى ىستەر ءمينيسترى قايرات ءابدىراحمانوۆ 2009 جىلى قازاقستان ادام قۇقىقتارى جونىندەگى كەڭەستىڭ (اقك) ارنايى راسىمدەرىنىڭ بارلىق مانداتتارىنا اشىق شاقىرۋ جىبەرىپ, ماندات يەلەرىن ۇنەمى قابىلدايتىنىن اتاپ ءوتتى. 2019 جىلدىڭ مامىر ايىندا بۇۇ-نىڭ تەرروريزمگە قارسى كۇرەستەگى ادام قۇقىقتارى مەن نەگىزگى بوستاندىقتارىن كوتەرمەلەۋ جانە قورعاۋ جونىندەگى ارنايى بايانداماشىسى رەسمي ساپارمەن قازاقستانعا كەلەدى.
«جاقىن اراداعى پەرسپەكتيۆادا ادام قۇقىقتارىن قورعاۋدىڭ ۇلتتىق جۇيەسىن ودان ءارى جەتىلدىرۋ جونىندەگى مىندەتتەر قازاقستان پرەزيدەنتى ن. نازارباەۆتىڭ قازاقستان حالقىنا جولداۋىندا باياندالعان. بۇل باعدارلامالىق قۇجاتقا سايكەس, زاڭنىڭ ۇستەمدىگىن قامتاماسىز ەتۋ, اكىمشىلىك جانە قىلمىستىق زاڭنامانى گۋمانيزاتسيالاۋ, سوت جۇيەسىن رەفورمالاۋ, سىبايلاس جەمقورلىققا قارسى كۇرەستى كۇشەيتۋ, ازاماتتىق, الەۋمەتتىك-ەكونوميكالىق جانە مادەني قۇقىقتار سالاسىندا ناقتى شارالار قابىلداۋ ءۇشىن جاڭا شارالار قابىلداناتىن بولادى», - دەدى مينيستر.
قازاقستان 2022-2024 جىلدارعا ارنالعان بۇۇ ادام قۇقىقتارى جونىندەگى كەڭەسىنىڭ مۇشەلىگىنە ءوز كانديداتۋراسىن ۇسىنعان. قازاقستان 2013-2015 جىلدار ارالىعىندا بۇۇ اقك-ءنىڭ مۇشەسى بولعان.
ءىس-شاراعا قاتىسۋشىلار تاۋەلسىزدىككە قول جەتكىزگەننەن بەرى قازاقستان دەموكراتيالىق, زايىرلى جانە قۇقىقتىق مەملەكەت قۇرۋ جولىندا زاڭ ۇستەمدىگىن, اكىمشىلىك جانە قىلمىستىق زاڭنامانىڭ شىنايىلىعىن, سوت جۇيەسىن رەفورمالاۋ بويىنشا جۇمىستاردى جالعاستىرىپ, ازاماتتىق, الەۋمەتتىك ەكونوميكالىق جانە مادەني قۇقىقتاردى قورعاۋ سالاسىندا قامتاماسىز ەتۋ بويىنشا شارالاردى جۇزەگە اسىرىپ تۇراقتى تۇرعانىن اتاپ ءوتتى.
مەملەكەتىمىزدىڭ ادام قۇقىقتارى سالاسىنداعى بەلسەندى ساياساتى قازاقستاننىڭ بۇۇ قاۋىپسىزدىك كەڭەسىندەگى سايلاۋ ناۋقانىنىڭ ساتتىلىگىندە ماڭىزدى ءرول اتقارىپ, ەلىمىزدىڭ كەڭەستىڭ قۇرامىنا ەنۋىنىڭ ايقىندىلىعىن انىقتادى. تەرروريزمنەن ازات الەمگە قول جەتكىزۋ ءۇشىن مىنەز-ق ۇلىق كودەكسىن ناسيحاتتاۋعا كوپ كوڭىل بولىنەدى. بۇل - قازاقستاننىڭ اجىراماس ادام قۇقىقتارىن ىسكە اسىرۋدا, بىرىنشىدەن, ءومىر ءسۇرۋ قۇقىعىن ىسكە اسىرۋعا ناقتى ۇلەسى بولىپ تابىلادى.