سىرتقى ىستەر مينيسترلىگىندە قازاقستانىڭ سينگاپۋرداعى جانە جاڭا زەلاندياداعى توتەنشە جانە وكىلەتتى ەلشىسى ۇسەن سۇلەيمەننىڭ قازاقستان مەن سينگاپۋر اراسىنداعى ىنتىماقتاستىقتىڭ قازىرگى جاعدايى مەن پەرسپەكتيۆالارى تۋرالى بريفينگى ءوتتى.
ءىس-شارا بارىسىندا ءۇ. سۇلەيمەن قازاقستان مەن سينگاپۋر اراسىنداعى قارىم-قاتىناستارىنىڭ احۋالى مەن پەرسپەكتيۆالارى تۋرالى اڭگىمەلەپ, مەملەكەتتەر اراسىنداعى ىنتىماقتاستىق دەڭگەيى ەكىجاقتى كۇن ءتارتىبىنىڭ بارلىق سپەكترى بويىنشا قارىم-قاتىناستى ودان ءارى تەرەڭدەتە ءتۇسۋ ءۇشىن ەلەۋلى الەۋەت بار ەكەنىن ايرىقشا اتاپ ءوتتى.
بۇگىنگى تاڭدا سينگاپۋر قازاقستاننىڭ وڭتۇستىك-شىعىس ازياداعى ەڭ ماڭىزدى ساۋدا-ەكونوميكالىق ارىپتەستەرىنىڭ ءبىرى بولىپ تانىلادى. قازاقستاندا ءوندىرىس, ساۋدا, يكت, قۇرىلىس جانە قارجى سالاسىنداعى 100-دەن استام بىرلەسكەن كاسىپورىن جۇمىس ىستەيدى.
2018 جىلى قازاقستان مەن سينگاپۋر ەكى جاقتى قارىم-قاتىناستارىنىڭ 25 جىلدىعىن اتاپ ءوتىپ, ەكى ەل اراسىنداعى ىنتىماقتاستىقتىڭ تاماشا ناتيجەلەرىن كورسەتتى. وسىلايشا, 2018 جىلدىڭ قاڭتار-قىركۇيەك ارالىعىندا ەكىجاقتى تاۋار اينالىمى 402,9 ملن. اقش دوللارىن قۇرادى, بۇل 2017 جىلدىڭ اتاپ وتىلگەن كەزەڭىندەگى دەڭگەيىنەن 5,5 ەسەگە جوعارى. قازاقستاننان ەكسپورت كولەمى 8 ەسەگە ارتىپ, اتاپ وتىلگەن كەزەڭدە 372,6 ملن. اقش دوللارىن قۇرادى. بۇل دەرەكتەر ەكى ەل اراسىنداعى ساۋدا-ەكونوميكالىق ىنتىماقتاستىقتىڭ زور الەۋەتىن كورسەتەدى.
قازاقستاندىق ديپلومات سينگاپۋرلىق تاجىريبە ءبىزدىڭ تاۋەلسىزدىگىمىزدىڭ العاشقى كۇندەرىنەن باستاپ جانە ودان بۇرىن قازاقستان ءۇشىن ۇلكەن قىزىعۋشىلىق تۋعىزعاندىعى تۋرالى اتاپ ءوتتى. زاماناۋي سينگاپۋردىڭ نەگىزىن قالاۋشى, ءبىرىنشى پرەمەر-ءمينيسترى لي كۋان يۋ مىرزا 1991 جىلدىڭ قىركۇيەگىندە, قازاقستان تاۋەلسىزدىك العانعا دەيىن ءۇش اي بۇرىن, الماتى جانە شىمكەنت قالالارىنا ساپار جاساعان بولاتىن. جوعارى دەڭگەيدە جاقىن دوستىق بايلانىس ورناتىلدى. 1996 جىلى نۇرسۇلتان نازارباەۆتىڭ سينگاپۋرعا جاساعان رەسمي ساپارى جانە 2003 جىلى مەملەكەتتىك ساپارى تەك جوعارعى دەڭگەيدە عانا ەمەس, سونىمەن قاتار ەكى مەملەكەت اراسىنداعى دوستىق قارىم-قاتىناستاردى دا نىعايتا الدى.
ەكى مەملەكەت حالىقارالىق ارەناداعى ءوزارا باستامالارىن قولداۋعا تىرىسادى.
2018 جىلعى 20-21 قاراشادا وتكەن قر پرەمەر-ءمينيسترى باقىتجان ساعىنتاەۆتىڭ سينگاپۋرعا جۇمىس ساپارى شەڭبەرىندە قازاقستاندىق-سينگاپۋرلىق بيزنەس-فورۋمى ۇيىمداستىرىلىپ, وعان ەكى ەلدىڭ ىسكەرلىك توپتارىنىڭ 500-دەن استام وكىلى, مەملەكەتتىك ورگاندارى مەن ۇلتتىق كومپانيالارىنىڭ باسشىلارى قاتىستى.
ساپاردىڭ ماڭىزدى ناتيجەلەرىنىڭ قاتارىندا ۇكىمەتارالىق ينۆەستيتسيالاردى كوتەرمەلەۋ جانە ءوزارا قورعاۋ تۋرالى, ديپلوماتيالىق جانە قىزمەتتىك/رەسمي پاسپورتتاردىڭ يەلەرىن ۆيزالىق تالاپتاردان ءوزارا بوساتۋ تۋرالى كەلىسىمدەرى, سونداي-اق يكت جانە قارجىلىق تەحنولوگيالار, قۇرىلىس, ءبىلىم, مۇناي-حيميا جانە تاماق ونەركاسىبى سالالارىندا ەكى ەل اراسىنداعى ىنتىماقتاستىقتى كەڭەيتۋگە باعىتتالعان باسقا دا قۇجاتتارعا قول قويۋ ورىن الدى.
قازاقستان مەن سينگاپۋر اراسىنداعى ىنتىماقتاستىقتىڭ جاي-كۇيى مەن پەرسپەكتيۆالارىن قورىتىندىلاي كەلە, ءۇ. سۇلەيمەن ەكى ەل اراسىنداعى قارىم-قاتىناستار شارىقتاۋ شىڭىنا كوتەرىلۋ كەزەڭىن باستان كەشىرۋدە. سينگاپۋر ساياسي, ەكونوميكالىق, مادەني جانە گۋمانيتارلىق سالالارداعى ءوزارا ىنتىماقتاستىق ءۇشىن اشىق. سينگاپۋردىڭ عىلىمي-زەرتتەۋ ينستيتۋتتارى مەن كومپانيالارى, ەكى ەلدىڭ قارىم-قاتىناستارىنىڭ بارلىق كەزەڭدەرىندە سياقتى, وزىق تاجىريبەلەر مەن تەحنولوگيالاردى بولىسۋگە دايىن.
سونىمەن قاتار ەلشى قازاقستاننىڭ جاڭا زەلانديامەن ىنتىماقتاستىعى جونىندە ايتىپ بەردى. بۇل دامىعان ەلمەن قارىم-قاتىناستاردى ورناتۋ بويىنشا جۇمىستار تۇراقتى نەگىزدە جۇزەگە اسىرىلۋدا. سوڭعى ماڭىزدى ناتيجەلەر رەتىندە ءۇ. سۇلەيمەن ءۇ.ج. قازان ايىنىڭ سوڭىندا جاڭا زەلانديانىڭ ۆەللينگتون جانە وكلەند قالالارىنا جاساعان جۇمىس ساپارىنىڭ قورىتىندىلارىن ۇسىندى.
ەلشى جاڭا زەلانديانىڭ تاجىريبەسى قازاقستان ءۇشىن وتە پايدالى ەكەنىنە سەنىم ءبىلدىردى. جاڭا زەلانديا سىرتقى ىستەر مينيسترلىگى ءىرى قازاقستاندىق كومپانيالارعا 2019 جىلدىڭ 12-15 ماۋسىمىندا گاميلتون قالاسىندا ازيا-تىنىق مۇحيتى ەلدەرىنىڭ ساۋدا پالاتالارىنىڭ وكىلدەرىنىڭ قاتىسۋىمەن وتەتىن «Fieldays» كونفەرەنتسياسىنا قاتىسۋعا شاقىرۋ حاتتارىن جىبەرگەن بولاتىن. كونفەرەنتسيا جاڭا زەلانديانىڭ ونەركاسىپتەگى جەتىستىكتەرىن, سونداي-اق اۋىل شارۋاشىلىعى تەحنولوگيالارى مەن يننوۆاتسيالارىن پاش ەتۋدىڭ ءىرى الاڭى بولىپ تابىلادى.