اۋدانى 350 شارشى مەتردى قۇرايتىن نىسان 22 جۇمىس ورنىنا ەسەپتەلگەن.
جۋرناليستەر مەن شىعارماشىلىق جولىنداعى مامانداردىڭ, ۆەب جانە گرافيكالىق ديزاينەرلەردىڭ, IT-مامانداردىڭ, كوۋچتەردىڭ, جەكە كاسىپكەرلەردىڭ جۇمىسى ءۇشىن قۇرىلعان كوۆوركينگ ورتالىقتا 4 كەڭسە, كونفەرەنتس-زال جانە سۇحبات بولمەسى بار. اتالمىش ورتالىقتا جاستار جانە كاسىپكەرلىك سالاسىندا جۇرگەن مامانداردىڭ باس قوسىپ, جۇمىس-جوسپارىن تالقىلاۋعا قولايلى بارلىق جاعداي جاسالعان.
جۇمىستىڭ جاڭا فورماتى جاس ماماندارعا ءوز پىكىرلەستەرىن تابۋعا, ولارمەن قانداي دا ءبىر جوبانى ۇيىمداستىرۋعا كومەكتەسىپ, جاستار تاراپىنان كاسىپكەرلىككە دەگەن قىزىعۋشىلىقتىڭ ارتۋىنا جانە اشىقتىقتىڭ ارتۋىنا اسەر ەتپەك. ايتا كەتەرلىگى, مۇنداي كەڭ كولەمدى ورتالىق ازىرگە تەك الماتى مەن استانادان جانە اقتاۋ قالاسىنان عانا اشىلعان.
گۇلايىم شىنتەمىرقىزى,
«ەگەمەن قازاقستان»
ماڭعىستاۋ وبلىسى