بۇگىن قازاقستان رەسپۋبليكاسىنىڭ پرەمەر-ءمينيسترى باقىتجان ساعىنتاەۆتىڭ توراعالىعىمەن وتكەن قر ۇكىمەتى وتىرىسىندا الەۋمەتتىك ماڭىزى بار ازىق-ت ۇلىك ونىمدەرىنىڭ باعا تۇراقتىلىعىن قامتاماسىز ەتۋ جونىندەگى شارالار قارالدى, دەپ حابارلايدى primeminister.kz
ۇلتتىق ەكونوميكا ءمينيسترى ت. سۇلەيمەنوۆ الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ وسۋىنە ەاەو نارىعىنداعى باعانىڭ ءوسۋى مەن وزىندىك قۇن قۇرىلىمىندا شىعىنداردىڭ ارتۋى باستى سەبەپ بولىپ وتىر دەيدى.
الەۋمەتتىك ماڭىزى بار ازىق-ت ۇلىك تاۋارلارىنىڭ باعالارىن تۇراقتاندىرۋدى قامتاماسىز ەتۋ ماقساتىندا ءوڭىر اكىمدىكتەرى مەن رەسپۋبليكالىق ماڭىزى بار قالالار ازىق-ت ۇلىك تۇراقتاندىرۋ قورلارىن قۇرۋدا. تۇراقتاندىرۋ قورىنىڭ جۇمىسى مەن قازىرگى جاعدايى تۋرالى اۋىل شارۋاشىلىعىنىڭ ءبىرىنشى ۆيتسە-ءمينيسترى ارمان ەۆنيەۆ باياندادى.
جالپى العاندا جىل باسىنان بەرى رەسپۋبليكا بويىنشا بارلىق الەۋمەتتىك ماڭىزى بار ازىق-ت ۇلىك تاۋارلارى باعالارىنىڭ شامالى وسكەنى بايقالادى. الايدا, كەيبىر تاۋار تۇرلەرىنىڭ باعاسى تومەندەگەن. بۇل قاراقۇمىق جارماسى – 27,6%-عا, كارتوپ – 28,5%, پياز – 25,4% جانە ءسابىز باعاسى 18,2%-عا ارزانداعان.
مينيسترلىكتىڭ ايتۋىنشا, كوكونىس ونىمدەرى باعاسىنىڭ اۋىتقۋىنا ءوندىرىس ماۋسىمدىلىعى اسەر ەتىپ وتىر. ونىمەن قوسا, ۇلتتىق تەڭگەنىڭ قۇنسىزدانۋى دا الەۋمەتتىك ماڭىزى بار ازىق-ت ۇلىك تاۋارلارى باعاسىنىڭ وسۋىنە سەبەپ بولۋدا. وعان قوسا ءونىمنىڭ وزىندىك قۇنىنا تىكەلەي اسەر ەتەتىن تاۋارلار مەن قىزمەت كورسەتۋ قۇنىنىڭ ءوسۋى دە بار. وسىعان بايلانىستى اۋىل شارۋاشىلىعى مينيسترلىگى وبلىستار مەن استانا, الماتى جانە شىمكەنت قالالارىنىڭ اكىمدىكتەرىمەن بىرگە الەۋمەتتىك ماڭىزى بار ازىق-ت ۇلىك تاۋارلارى باعالارىن تۇراقتاندىرۋ ماقساتىندا بىرقاتار شارالاردى قولعا الدى.
«ايماقتاردا ازىق-ت ۇلىك تاۋارلارىنىڭ وڭىرلىك تۇراقتاندىرۋ قورلارى قۇرىلۋدا. 2018 جىلدىڭ قاڭتار-قاراشاسىندا ايماقتارداعى تۇراقتاندىرۋ قورلارى بارلىعى 25,4 مىڭ توننا ازىق-ت ۇلىك تاۋارىن ساتىپ الدى, ونىڭ ىشىندە: كارتوپ – 11 مىڭ توننا, قانت – 5 مىڭ توننا, پياز – 2,4 مىڭ توننا, ءسابىز – 8 مىڭ توننا, كۇرىش – 0,6 مىڭ توننا, قىرىققابات – 0,38 مىڭ توننا, كۇنباعىس مايى – 240 توننا», — دەيدى ا. ەۆنيەۆ.
اتالعان مەرزىم ارالىعىندا بارلىعى 29 مىڭ توننا ساتىلعان. بيىلعى جىلدىڭ قازان ايىنان باستاپ ايماقتار تۇراقتاندىرۋ قورلارىنا 9 مىڭ توننا ازىق-ت ۇلىك تاۋارىن ساتىپ العان, ونىڭ ىشىندە: اقتوبە وبل. – 1,7 مىڭ توننا, اتىراۋ وبل. – 1,2 مىڭ توننا, قوستاناي وبل. – 1,4 مىڭ توننا, سقو – 0,7 مىڭ توننا, تۇركىستان وبل. – 1,0 مىڭ توننا, قاراعاندى وبل. – 15,4 توننا, پاۆلودار وبلىسى – 85,0 توننا, الماتى قالاسى – 1,5 مىڭ توننا جانە استانا قالاسى – 0,35 مىڭ توننا.
«بيىلعى جىلدىڭ 20 قاراشاسىنداعى جاعداي بويىنشا, تۇراقتاندىرۋ قورلارىنداعى تاۋارلىق ينتەرۆەنتسيالار جۇرگىزۋگە ارنالعان قور 12,2 مىڭ توننانى قۇرادى, ال الماستىرۋعا جانە جاۋاپتى ساقتاۋعا بەرىلگەندەر – 22,7 مىڭ توننا بولدى. قولدا بار 12,2 مىڭ توننانىڭ 3 مىڭ تونناسى قانت, 0,83 مىڭ تونناسى – كۇنباعىس مايى, 1,3 مىڭ تونناسى – 1 سۇرىپتاعى بيداي ۇنى, 0,497 مىڭ تونناسى – قاراقۇمىق جارماسى جانە 0,355 مىڭ تونناسى – ماكارون ونىمدەرى», — دەپ حابارلادى اۋىل شارۋاشىلىعىنىڭ ءبىرىنشى ۆيتسە-ءمينيسترى ا. ەۆنيەۆ.
سونداي-اق, قولدا بار ازىق-ت ۇلىك تاۋارلارىنىڭ وڭىرلەر بويىنشا ءتىزىمى مىناداي: قوستاناي وبل. – 4,2 مىڭ توننا, اتىراۋ وبل. – 1,5 مىڭ توننا, سقو – 1,0 مىڭ توننا, الماتى قالاسى – 3,2 مىڭ توننا جانە استانا قالاسى – 0,7 مىڭ توننا. كەيبىر وبلىستاردا قولدا بار ازىق-ت ۇلىك تاۋارلارى از, بىراق ولاردىڭ كوپ بولىگى جاۋاپتى ساقتاۋعا بەرىلگەن. تاۋارلىق ينتەرۆەنتسيالاردى جۇرگىزۋ ءۇشىن اكك ەسەبىندە 4 ملرد تەڭگە قاراجات بار. قاراجاتتىڭ ەڭ كوپ مولشەرى استانا قالاسىندا – 1536 ملن تەڭگە, تۇركىستان وبلىسىندا – 587 ملن تەڭگە جانە جامبىل وبلىسىندا – 392 ملن تەڭگە.
«اقتوبە, اتىراۋ, قوستاناي, سقو, تۇركىستان وبلىستارى مەن استانا, الماتى قالالارىندا تۇراقتاندىرۋ قورلارىن قالىپتستىرۋ بويىنشا شتاب جۇمىسىنىڭ جاندانعانى بايقالادى, ال اقمولا, قاراعاندى, ماڭعىستاۋ وبلىستارىندا سوڭعى ەكى ايدا تۇراقتاندىرۋ قورىنا ازىق-ت ۇلىك تاۋارلارى ساتىپ الىنباعان», — دەدى ا. ەۆنيەۆ.