ەلەكتر ەنەرگياسى مەن تاۋارلىق گاز باعاسىن تومەندەتۋ تۋرالى بۇيرىقتار بەكىتىلەدى

ەسكە سالايىق, مەملەكەت باسشىسىنىڭ توراعالىعىمەن وتكەن قاۋىپسىزدىك كەڭەسىنىڭ وتىرىسىندا ەلەكتر جانە جىلۋ ەنەرگياسىنا قولدانىستاعى تاريفتەردى قالىپتاستىرۋ, سونىمەن قاتار ەنەرگەتيكا قىزمەتتەرى نارىعىنداعى باعانىڭ تۇزىلۋىنە باقىلاۋدى قامتاماسىز ەتەتىن مەملەكەتتىك ورگانداردىڭ جۇمىسى ماسەلەلەرى تالقىلانعان ەدى.

ق.بوزىمباەۆ مەملەكەت باسشىسىنىڭ تاپسىرماسىنا سايكەس ەنەرگەتيكا مينيسترلىگى ەلەكتر ەنەرگياسىنا ارنالعان شەكتى تاريفتەردىڭ وبەكتيۆتى دەڭگەيىن بەلگىلەۋ بويىنشا جۇمىستاردى اياقتاپ جاتقانىن ءمالىم ەتتى. وتكەن اپتادا اتقارىلعان جۇمىستىڭ الدىن الا ناتيجەلەرى جۇمىس توبىنىڭ قاراۋىنا ۇسىنىلدى. ونىڭ وتىرىسىنا پرەزيدەنت اكىمشىلىگى, باس پروكۋراتۋرا, مەملەكەتتىك ورگاندار مەن ۇلتتىق كاسىپكەرلەر پالاتاسىنىڭ وكىلدەرى قاتىستى. وتىرىس بارىسىندا ەلەكتر ەنەرگياسىنا ارنالعان شەكتى تاريفتەردىڭ ۇسىنىلعان دەڭگەيى تالقىلاندى.

«ەكى كومپونەنتتىڭ قوسىندىسى بويىنشا ەلەكتر ەنەرگياسىنىڭ قۇنىن تومەندەتۋدىڭ ورتاشا ولشەمدى دەڭگەيى شەكتى تاريفتەردىڭ قولدانىستاعى دەڭگەيىنىڭ 25 پايىزىن قۇرايدى. ەنەرگەتيكا مينيسترلىگىنىڭ ءتاسىلى تۇجىرىمدامالى قولداۋ تاپتى», — دەدى ق.بوزىمباەۆ.

بۇدان باسقا, جۇمىس توبىنىڭ وتىرىسىندا قۋات ءتاريفىنىڭ شەكتى شاماسىن (1 مۆت ءۇشىن 700 مىڭ تەڭگەدەن 590 مىڭ تەڭگە شاماسىنا دەيىن) تومەندەتۋ قاجەتتىگى تۋرالى ماسەلە ۇسىنىلدى. بۇل تۇپكى تۇتىنۋشىلار ءۇشىن ەلەكتر ەنەرگياسىنىڭ قۇنىن تومەندەتۋدى قامتاماسىز ەتەدى.

ەنەرگەتيكا مينيسترلىگىنىڭ مالىمەتتەرى بويىنشا, وتىرىستىڭ ناتيجەلەرى بويىنشا ۇلتتىق كاسىپكەرلەر پالاتاسىنىڭ رەسمي ۇستانىمى الىندى. بۇل كريتەريلەردى انىقتايتىن ءتيىستى بۇيرىق جوباسىن وسى كۇننىڭ سوڭىنا دەيىن كەلىسۋ جانە تىركەۋ ءۇشىن ادىلەت مينيسترلىگىنە ەنگىزۋگە مۇمكىندىك بەرەدى.

ء«بىز وسى اپتانىڭ سوڭىنا دەيىن قۋاتقا جاڭا تاريف مولشەرىن بەكىتۋدى بولجاپ وتىرمىز. بۇل بيىلعى جىلعى جەلتوقساننىڭ ءبىرىنشى ونكۇندىگىندە ورتالىقتاندىرىلعان ساۋدا-ساتتىق وتكىزۋگە مۇمكىندىك بەرەدى. ساۋدا-ساتتىق ناتيجەسى بويىنشا ەنەرگيا ءوندىرۋشى ۇيىمداردىڭ ەلەكتر ەنەرگياسىنا  شەكتى تاريفتەرى بەكىتىلەتىن بولادى», — دەدى ەنەرگەتيكا ءمينيسترى.

سونىمەن قاتار, ق.بوزىمباەۆ ەكى اسپەكتىنىڭ ماڭىزدىلىعىن اتاپ ءوتتى: ەلەكتر ستانتسيالارى ءۇشىن «كەم دەگەندە» اعىمداعى كومىر باعاسىن ساقتاۋ جانە دەلدالدىق قۇرىلىمداردى الىپ تاستاپ,  كومىردى تاسىمالداۋ قۇنىن تومەندەتۋ; 2019 جىلعى 1 قاڭتاردان باستاپ ەنەرگيا بەرۋشى جانە ەنەرگيامەن جابدىقتاۋشى ۇيىمداردا تاريفتەردى اعىمداعى شامانىڭ دەڭگەيىنەن تومەندەتۋ.

تاۋارلىق گاز بويىنشا, ەنەرگەتيكا مينيسترلىگى تاۋارلىق گازدىڭ شەكتى كوتەرمە باعالارىن تومەندەتۋ كوزدەلگەن بۇيرىق جوباسىن ازىرلەدى. قر ەم باعالاۋىنشا, 2019 جىلعى 1 قاڭتاردان باستاپ شەكتى كوتەرمە ساۋدا باعاسىن تومەندەتۋ — تاۋارلىق گازدىڭ تۇپكىلىكتى باعاسىن وڭىرگە بايلانىستى گاز پايدالاناتىن ەلەكتر ستانتسيالارى ءۇشىن 12-22%-عا تومەندەتۋگە مۇمكىندىك بەرەدى.

قازىرگى ۋاقىتتا مينيسترلىك تۇرعىندار ءۇشىن جىلۋ جانە ەلەكتر ەنەرگياسىن وندىرەتىن وتىن-ەنەرگەتيكالىق كەشەندەرگە تاۋارلىق گازدىڭ بولشەك ساۋدا باعالارىن ەسەپتەۋ ارقىلى ۇلتتىق ەكونوميكا مينيسترلىگىنىڭ تابيعي مونوپوليالاردى رەتتەۋ كوميتەتىنەن شەكتى كوتەرمە باعا دەڭگەيىن راستاۋىن كۇتىپ وتىر.

ەنەرگەتيكا مينيسترلىگىنىڭ شەكتى كوتەرمە گاز باعاسىن تومەندەتۋىنە بايلانىستى تابيعي مونوپوليالاردى رەتتەۋ كوميتەتى ەلەكتر ستانتسيالارعا  گازدىڭ بولشەكتىك باعاسىن تومەندەتۋ جونىندەگى ءتيىستى بۇيرىقتار قابىلدايتىن بولادى.

ەلەكتر ەنەرگياسىنىڭ جانە تاۋارلىق گاز باعاسىن تومەندەتۋ شارالارى ەنەرگەتيكا مينيسترلىگىنىڭ ءتيىستى بۇيرىقتارىن بەكىتۋ تۇرىندە 01.01.2019 جىلدان باستاپ ءوز كۇشىنە ەنەدى.