باتىس قازاقستان وبلىسىندا قازاقستاننىڭ اۋىل شارۋاشىلىعى قىزمەتكەرلەرى كۇنىنە ارنالعان سالتاناتتى شارا ءوتىپ, وسى سالانىڭ ۇزدىك وكىلدەرى ماراپاتقا يە بولدى.
بۇل كۇنى «تالاپ» شارۋا قوجالىعىنىڭ باسشىسى ي.داۋلەنوۆ, «باقىت» شارۋا قوجالىعىنىڭ باسشىسى ب.سۇيىنىشقاليەۆا قازاقستان رەسپۋبليكاسى اۋىل شارۋاشىلىعى مينيسترلىگىنىڭ «ەڭبەك ارداگەرى» مەدالىمەن, «قاراعاندى» شارۋا قوجالىعىنىڭ باسشىسى ە.اتقاەۆ, «قورجىن» شارۋا قوجالىعىنىڭ باسشىسى ق.مۇقانوۆ, «حايرۋللين ن.ك» شارۋا قوجالىعىنىڭ باسشىسى ن.حايرۋللين «اۋىل شارۋاشىلىعى سالاسىنىڭ ۇزدىگى» توسبەلگىسىمەن ماراپاتتالدى. اۋىل شارۋاشىلىعى قىزمەتكەرلەرىنىڭ سالالىق كاسىپتىك وداعىنىڭ 2 دارەجەلى «ەڭبەك دانقى» بەلگىسىن ورمان شارۋاشىلىعى جانە جانۋارلار دۇنيەسى كوميتەتىنىڭ بقو ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ ءبولىم باسشىسى اكمارال ورازعاليەۆا يەلەندى.
ال «يرعاليەۆ» شارۋا قوجالىعىنىڭ باسشىسى جاعاباي يرعاليەۆ, بوكەي ورداسى اۋداندىق اۋىل شارۋاشىلىعى ءبولىمىنىڭ باسشىسى سۇيىنبەك حايرۋللين, «قۇرمەت» شارۋا قوجالىعىنىڭ باسشىسى ءبىرىمجان اقدونوۆ, «مۇراگەر» شارۋا قوجالىعىنىڭ باسشىسى ءبىرجان ايعاليەۆ, «ارمات» شارۋا قوجالىعىنىڭ باسشىسى اسقار مالتيەۆ, «اسەمنۇر» شارۋا قوجالىعىنىڭ باسشىسى جۇبانىش تۇرعاليەۆ, «ماديەۆ» شارۋا قوجالىعىنىڭ باسشىسى ءسالىمباي ماديەۆ, كازتالوۆ اۋداندىق كاسىپكەرلىك جانە اۋىل شارۋاشىلىعى ءبولىمىنىڭ باس مامانى قايرات سالاۋاتوۆ, باتىس قازاقستان وبلىستىق اۋىل شارۋاشىلىعى باسقارماسى باسشىسىنىڭ ورىنباسارى جاسۇلان حاليۋللين اۋىل شارۋاشىلىعى مينيسترلىگىنىڭ قۇرمەت گراموتوسىمەن ماراپاتتالدى.
سونىمەن بىرگە باتىس قازاقستان وبلىسى اكىمدىگى بەكىتكەن ارنايى سىيلىقتار دا يەسىن تاپتى. باتىس قازاقستان وبلىسى اكىمىنىڭ ءبىرىنشى ورىنباسارى يگور ستەكسوۆ «شىڭعىرلاۋ» اۋىل شارۋاشىلىعى وندىرىستىك كووپەراتيۆىنىڭ مۇشەسى باقىتقالي دوشەۆتى – «ۇزدىك باقتاشى», قازتالوۆ اۋدانى كوكتەرەك اۋىلدىق وكرۋگىندەگى «تولەگەن» شارۋا قوجالىعىنىڭ باسشىسى اناربەك جاۋلاۋباەۆتى – «ۇزدىك شوپان», اقجايىق اۋدانىنداعى «اداي بەكەت» شارۋا قوجالىعىنىڭ جىلقىشىسى امان يماشەۆتى – «ۇزدىك جىلقىشى» دەپ جاريالاپ, جۇلدەگەرلەرگە وبلىس اكىمىنىڭ العىس حاتىن تابىس ەتتى.
ايتا كەتەيىك, باتىس قازاقستان وبلىسىندا «قازاقستان رەسپۋبليكاسىنىڭ اگروونەركاسىپتىك كەشەنىن دامىتۋدىڭ 2017-2021 جىلدارعا ارنالعان مەملەكەتتىك باعدارلاماسى» ءساتتى جۇزەگە اسىرىلىپ جاتىر. باعدارلاما اياسىندا 2018 جىلى اۋىل شارۋاشىلىعىن قولداۋعا 13 ملرد. تەڭگەدەن استام قارجى بولىنگەن, بۇل 2017 جىلدان 30%-عا ارتىق. بۇگىندە وبلىس اۋماعىنداعى 6736 اگروسەكتور نىسانىندا 77 مىڭعا جۋىق ادام قىزمەت ەتەدى.
قازبەك قۇتتىمۇرات ۇلى,
«ەگەمەن قازاقستان»