قازاقستاننىڭ حورۆاتياداعى ەلشىسى جانە چەرنوگورياداعى ەلشى مىندەتىن قوسا اتقارۋشى تولەجان بارلىباەۆ چەرنوگوريانىڭ پرەزيدەنتى ميلو دجۋكانوۆيچكە سەنىم گراموتالارىن تاپسىردى, دەپ حابارلايدى قر ءسىم ءباسپاسوز قىزمەتى.
كەزدەسۋ بارىسىندا تاراپتار ەكىجاقتى قارىم-قاتىناستاردىڭ احۋالى مەن بولاشاعىن تالقىلادى. ەلشى چەرنوگوريا پرەزيدەنتىنە پرەزيدەنت نۇرسۇلتان نازارباەۆتىڭ «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» قازاقستان حالقىنا جولداۋى, نەگىزگى سىرتقى ساياسي باستامالارى تۋرالى حاباردار ەتىپ, مەملەكەت باسشىلىعىنىڭ مەملەكەتارالىق قارىم-قاتىناستاردى جان-جاقتى نىعايتۋ جانە حالىقارالىق ارەناداعى ءوزارا ءىس-قيمىلىن تەرەڭدەتۋ بويىنشا دايەكتى باعدارىن اتاپ ءوتتى.
چەرنوگوريانىڭ پرەزيدەنتى م. دجۋكانوۆيچ پودگوريتسانىڭ قازاقستانمەن ەكونوميكالىق, ساۋدا, مادەني-گۋمانيتارلىق قاتىناستاردى جانداندىرۋ جانە ساياسي ديالوگتى دامىتۋعا قىزىعۋشىلىعىن اتاپ ءوتتى. مەملەكەت باسشىسى بارلىق قازاقستاندىقتارعا جاقسى تىلەكتەرىن ءبىلدىرىپ, ەلشىگە تابىستى ديپلوماتيالىق ميسسيا تىلەدى.