ۇلى دالا ۇلاعاتىن ۇلىقتاۋ

جيىنعا بەلگىلى مەملەكەت جانە قوعام قايرات­كەرلەرى, ونەر مايتالماندارى قاتىستى. ارىستانبەك مۇحامەدي ۇلى ەلباسى ماقالاسىندا ايتىلعان, اتقارىلۋى ءتيىس جۇمىس­تار­دىڭ ارقايسىسىنا ءجىتى توقتالىپ, الدا اتقارىلار يگىلىكتى شارالارعا جاۋاپتى مەكەمەلەرگە ناقتى تاپسىرمالار بەردى. سونىمەن قاتار مەم­لە­كەت باسشىسىنىڭ العا قوي­عان ماقساتتارىن جۇزەگە اسىرۋ جۇ­مىس­تارى باستالىپ تا كەتكەندىگىن جەتكىزدى.

ء«بىزدىڭ مينيسترلىك – وسى باعدارلامانى تىكەلەي ىسكە اسىراتىن نەگىزگى مەملەكەتتىك ورگان. نەگە دەسەڭىزدەر, التىن ادامنىڭ تاريحىن زەرتتەۋ بولسىن, ەنتسيكلوپەديا, مۋزەيدى قۇرۋ بولسىن – ءبىزدىڭ مينيسترلىكتىڭ قۇزىرىنداعى شارۋا. سول سەبەپتەن بۇكىل مەكەمە باسشىلارىنىڭ باسىن قوسىپ وتىرىس وتكىزىپ جاتىرمىز. الدىمىزداعى ناقتى ماقساتتار ايقىندالدى. ەڭ تاپشى دۇنيە – ۋاقىت. ەلباسىنىڭ ءوزى ۋاقىتتى ءتيىمدى پايدالانۋ كەرەكتىگىن ايتىپ وتىر. سول سەبەپتەن, وسى تاريحي ەڭبەكتەردىڭ اياسىندا ءبىر اپتانىڭ ىشىندە ناقتى ۇسىنىستاردى بەرۋىمىز كەرەك», – دەدى ارىستانبەك مۇحامەدي ۇلى مينيستر حالىقتىڭ كوڭىلىنەن شىعاتىن ۇسىنىستار ايتىلىپ جاتقانىن دا جەتكىزدى. ديماش قۇدايبەرگەننىڭ لوندوندا ۇلكەن دەڭگەيدە وتكەن كونتسەرتىن دە اتاپ وتكەن مينيستر قاسىم حان تۋرالى دا كوركەم فيلم تۇسىرىلەتىنىن ايتتى. «قاسىم حان تۋرالى ءفيلمنىڭ جوباسى بويىنشا ءبىز كارتينانىڭ ستسەناريىنە تاپسىرىس بەردىك. ستسەناريدىڭ قالاي جازىلعانى­نا دەن قويارىمىز انىق. ەگەر وندا قاسىم حاننىڭ بارلىق ەرلىگى مەن ءومىرى قامتىلسا, ءارى قاراي جۇمىستى جالعاستىراتىن بولامىز. رەجيسسەر «ەرتۇعرىل» سەريالىن تۇسىرگەن تۇرىك رەجيسسەرى بولادى. ول قازاقستاندىق ماماندارمەن بىرگە ستسەناريدى جازىپ شىقتى. 

قازىرگى تاڭدا قازاقستاندىق رەجيسسەرلەر ءىرى جوبالارمەن ءجۇر. اقان ساتاەۆ «تۇمار پاتشا­يىم» ءفيلمىنىڭ ءتۇسىرۋ جۇمىس­تارىن اياقتادى. رۇستەم ءابدىراش «الماس قىلىشتىڭ» جالعا­سىنا كىرىسىپ كەتتى. الەمدىك دەڭگەي­گە جەتۋ ءۇشىن ءبىز مويىندال­عان رەجيسسەرلەر مەن اۆتورلاردى شاقىرۋىمىز كەرەك», دەيدى ارىستانبەك مۇحامەدي ۇلى.

باعاشار تۇرسىنباي ۇلى,

«ەگەمەن قازاقستان»