قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسى مەملەكەتتىك قىزمەت, مەملەكەتتىك قىزمەتشىلەردى دايارلاۋ جانە قايتا دايارلاۋدىڭ قازاقستاندىق تاجىريبەسىن تاراتۋ ورتالىعىنا اينالىپ وتىر.
تۇرىكمەنستان پرەزيدەنتىنىڭ جانىنداعى مەملەكەتتىك قىزمەت اكادەمياسى ەو-نىڭ «Support to the Public Administration Capacity Building in Turkmenistan» اتتى جوباسىنىڭ قولداۋىمەن مرا (Master of Public Administration) ماگيسترلىك باعدارلاماسىن اشۋ بويىنشا نەگىزگى ارىپتەس رەتىندە ءبىزدىڭ اكادەميانى تاڭدادى. ەكى اكادەميا باسشىلارىنىڭ اراسىنداعى تىعىز بايلانىس قىسقا مەرزىم ىشىندە ترەنينگ ۇيىمداستىرۋعا مۇمكىندىك بەردى.
ترەنينگ اياسىندا تۇرىكمەنستان پرەزيدەنتىنىڭ جانىنداعى مەملەكەتتىك قىزمەت اكادەمياسىنىڭ وقىتۋشىلارى ءبىلىم بەرۋ باعدارلامالارى مەن سيللابۋستارىنىڭ ءديزاينىن جاساۋ تاجىريبەسىمەن عانا تانىسىپ قويماي, سونىمەن بىرگە MPA باعدارلامالارى مەن پاندەردىڭ وقۋ باعدارلامالارىنىڭ باستاپقى نۇسقالارىن دايىنداۋعا دا قاتىستى. ترەنينگ تالىمگەرلىك قاعيداتى نەگىزىندە ۇيىمداستىرىلىپ, ترەنينگتىڭ ءاربىر قاتىسۋشىسىنا ماماندانۋ سالاسىنا بايلانىستى اكادەميا پروفەسسورلارى مارتا ابدىxالىقوۆا, گۇلسارا اشىربايقىزى, ەرلان ءابىل بەكىتىلدى. تۇرىكمەنستاندىق ارىپتەستەر ساباققا قاتىسۋ, اكادەميا كىتاپxاناسىندا جۇمىس ىستەۋ, قانداي دا ءبىر سالانىڭ ساراپشىلارىمەن كەزدەسۋ مۇمكىندىكتەرىنە يە بولدى.
ترەنينگتىڭ سوڭىندا تىڭداۋشىلار جوبانىڭ مەنەدجەرلەرى Silvia Pietropaolo جانە Milch Folkert, سونداي-اق قر پرەزيدەنتىنىڭ جانىنداعى مەملەكەتتىك باسقارۋ اكادەمياسىنىڭ باسشىلىعى فاتيما جاقىپوۆا مەن ايگۇل كوشەرباەۆانىڭ الدىندا ءوز سيللابۋستارىن جاريا تۇردە تانىستىردى.
ەكى اكادەميا ىنتىماقتاستىعىنىڭ جاعىمدى ناتيجەلەرى قازاقستاندىق اكادەميا قابىرعاسىندا ەكىنشى ترەنينگ وتكىزۋ جانە پاندەردى ادىستەمەلىك تولىقتىرۋ بويىنشا كونسۋلتاتسيالار جۇرگىزۋ ءۇشىن اشعابادقا تالىمگەرلەر جىبەرۋ كەلىسىمىنە الىپ كەلدى".
«ەگەمەن اقپارات»