قۇرامىندا 400-گە جۋىق مۇشەسى بار «ەلسانا» رۋحانيات كلۋبى ەلباسىنىڭ «بولاشاققا باعدار: رۋحاني جاڭعىرۋ» باعدارلاماسىن جۇزەگە اسىرۋ باعىتىندا بىرقاتار ىستەردى قولعا الىپ وتىر, دەپ حابارلايدى اتىراۋ وبلىسىنىڭ وڭىرلىك كوممۋنيكاتسيالار قىزمەتى.
ەلسانا رۋحانيات كلۋبىنىڭ باستى ماقساتى - ۇلتتىق قۇندىلىقتار, سالت-ءداستۇر, ادەت-عۇرىپتى, ەل تاريحىن دارىپتەۋ, سونداي-اق, حالىقتىڭ رۋحاني قازىناسىن بايىتا ءتۇسۋ.
- ەلباسىنىڭ «رۋحاني جاڭعىرۋ» باعدارلاماسىندا الداعى ۋاقىتتا باسەكەلەستىككە توتەپ بەرۋ ماسەلەلەرىن ىسكە اسىرۋ جونىندەگى ماسەلەلەر, وسى كۇنگە جەتكىزگەن ازاماتتاردى ارداقتاۋ, اتقارعان ەڭبەكتەرىن ەسكەرۋ, ۇستاعان ۇستانىمدارىن جالعاستىرۋ كەرەك دەلىنگەن. ەلسانا رۋحانيات كلۋبىنىڭ باستاماسىمەن بۇگىندە ۇلتتىق ويىندار, دارىستەر, ەل تاريحىنا ارنالعان شارالار ۇيىمداستىرىپ جاتىر. ءبىز ءوز تاراپىمىزدان وسىنداي يگى ىستەردى قولداۋعا قاشان دا دايىنبىز, - دەيدى وبلىس اكىمى نۇرلان نوعاەۆ.
سونداي – اق وبلىس اكىمى «اباي الەمىنە ساياحات» كلۋبى جۇمىسىنىڭ وڭىرىمىزدە ناسيحاتتالۋى بويىنشا بىرقاتار تاپسىرمالار جۇكتەدى.
ايتا كەتەيىك, «ەلسانا» رۋحانيات كلۋبى ءوز جۇمىسىن 2013 جىلى باستاعان بولاتىن.