پاۆلوداردا «مەنى شىڭداعان «سەرپىن» رەسپۋبليكالىق كاسىبي شەبەرلىك بايقاۋى ءوتتى

بايقاۋدى ءبىلىم جانە عىلىم مينيسترلىگى جانىنداعى «بولون پروتسەسى جانە اكادەميالىق ۇتقىرلىق ورتالىعى» ۇيىمداستىردى. ورتالىق مالىمەتىنشە, بۇل كۇندەرى «سەرپىن» الەۋمەتتىك جوباسى بويىنشا ەلىمىزدىڭ 9 وبلىسىنداعى 26 جوعارى وقۋ ورنى مەن 33 تەحنيكالىق جانە كاسىپتىك ءبىلىم بەرۋ كوللەدجىندە 16 مىڭعا جۋىق ستۋدەنت ءبىلىم الۋدا. بىلتىر  العاشقى تۇلەكتەرى ديپلوم الىپ, ولاردىڭ 60 پايىزى سول ءبىلىم العان وڭىرلەرىندە جۇمىسقا ورنالاسقان.

- ال, «مەنى شىڭداعان «سەرپىن» اتتى رەسپۋبليكالىق كاسىبي شەبەرلىك بايقاۋى ءۇشىنشى رەت وتكىزىلۋدە. بىلتىر سولتۇستىك قازاقستان وبلىسىندا ءوتتى. بايقاۋعا جوعارى وقۋ ورىندار مەن كوللەدجدەردىڭ 3-ءشى, 4-ءشى كۋرس ستۋدەنتتەرى قاتىستى. ماقسات – ءوز سالاسىنىڭ ۇزدىكتەرىن انىقتاۋ. بايقاۋ سوڭىندا قاتىسۋشىلار ءارتۇرلى  وندىرىستىك كاسىپورىندارعا جۇمىسقا جولداما الۋىنا مۇمكىندىك تە بار. بايقاۋعا وڭىردەگى كاسىپورىن وكىلدەرى دە شاقىرىلدى,- دەيدى ورتالىق  توراعاسىنىڭ ورىنباسارى ايدوس مۇقاتاەۆ.

بايقاۋعا پاۆلودار, شىعىس قازاقستان, باتىس قازاقستان, سولتۇستىك قازاقستان, اقمولا جانە قاراعاندى وبلىستارىنان تەحنيكالىق جانە كاسىپتىك ءبىلىم بەرەتىن كوللەدجدەردەن 27 ستۋدەنت قاتىستى.

بايقاۋدىڭ شارتى بويىنشا ستۋدەنتتەر ءبىرىنشى كەزەڭدە وزدەرىنىڭ ءبىلىم دەڭگەيلەرىن كورسەتسە, ەكىنشى كەزەڭدە كوللەدجدەردە  تاجىريبەلىك سىناقتان ءوتتى.

ءبىرىنشى تەوريالىق كەزەڭ س.تورايعىروۆ اتىنداعى مەملەكەتتىك ۋنيۆەرسيتەتىنىڭ ءماجىلىس زالىندا بولدى. ەكىنشى كەزەڭى, ياعني, پراكتيكالىق تاجىريبە الاڭى  اگرارلىق-تەحنيكالىق, بيزنەس, تەحنولوگيالىق  كوللەدجدەرىندە, اقتوعاي اۋداندىق اگرارلىق كوللەدجىندە جانە «جاڭا قالا» شارۋا قوجالىعىندا ءوتتى. 

ستۋدەنتتەر تاماق ازىرلەۋ, مال شارۋاشىلىعى ونىمدەرىن ءوندىرۋ, اۋىل شارۋاشىلىعىن مەحانيكالاندىرۋ, ەسەپتەۋ تەحنيكاسى جانە باعدارلامالىق قامتاماسىز ەتۋ, تاماقتاندىرۋ  كاسىپورىندارى ونىمدەرىنىڭ تەحنولوگياسى جانە ءوندىرىستى ۇيىمداستىرۋ» «ەكولوگيا جانە تابيعاتتى قورعاۋ قىزمەتى» ۆەتەريناريا» اۋىل شارۋاشىلىعىن مەحانيكالاندىرۋ» سياقتى سالالارىنداعى  العان بىلىمدەرىن ناقتى جوبالارى ارقىلى كورسەتە ءبىلدى.

بايقاۋ قورىتىندىسىندا  «ەكولوگيا جانە تابيعاتتى قورعاۋ قىزمەتى» سالاسى بويىنشا پاۆلودار تەحنولوگيالىق كوللەدجىنىڭ  ستۋدەنتتەرى اسەم دىلدابەكوۆا 1-ءشى ورىن, 2-ءشى ورىن  بۋراباي اۋدانى, «ەكولوگيا جانە ورمان شارۋاشىلىعى» كوللەدجىنىڭ بالنۇر بالتاباي بالنۇرعا بەرىلدى.

«ەسەپتەۋ تەحنيكاسى جانە باعدارلامالىق قامتاماسىز ەتۋ» سالاسى بويىنشا 1-ءشى ورىن زەرەندى اۋدانى, شاعالالى اگروبيزنەس كوللەدجىنىڭ ستۋدەنتى جاسۇلان جانسۇلتانوۆقا, 2-ءشى ورىن پاۆلودار بيزنەس كوللەدجىنىڭ ستۋدەنتى شەرى اياجانعا, 3-ءشى ورىن باتىس قازاقستان ينجەنەرلىك-تەحنولوگيالىق كوللەدجىنىڭ ستۋدەنتى اقبوتا تاستىبايعا بەرىلدى.

مىسالى, وسى كوللەدجدەردە ءبىلىم الاتىن ستۋدەنتتەر بايقاۋدا جاقسى  ناتيجە كورسەتىپ,  «ۆەتەريناريا» سالاسى بويىنشا 1-شى ورىندى پاۆلودار اۋدانى اگرارلىق-تەحنيكالىق كوللەدجىنىڭ ستۋدەنتى شىڭعىس  احمەتوۆ, II ورىندى شىعىس قازاقستان اۋىلشارۋاشىلىق كوللەدجىنىڭ ستۋدەنتى بەكبولات تورەبەكوۆ بەكبولات, III ورىندى– ەسىل اۋىلشارۋاشىلىق كوللەدجىنىڭ ستۋدەنتى سۇلۋحان سۇلتان,  «اۋىلشارۋاشىلىعىن مەحانيكالاندىرۋ» سالاسى بويىنشا I ورىندى پاۆلودار اۋدانى  اگرارلىق-تەحنيكالىق كوللەدجىنىڭ ستۋدەنتى نۇركەن وسپانوۆ, II ورىندى ەسىل اۋىلشارۋاشىلىق كوللەدجىنىڭ ستۋدەنتى ۋىزباي داستان, III ورىن پاۆلودار اۋدانى اگرارلىق-تەحنيكالىق كوللەدجىنىڭ ستۋدەنتى تاستانبەك  مەيىرحان يەلەندى.

- العاشقى  2014 جىلى  50 بالا عانا كەلدى. العاشقى كەلگەندەردىڭ قادامدارى ءساتتى بولىپ, 2015 جىلى 175 ستۋدەنت وقۋعا تۇسسە, 2016 جىلى 185, 2017 جىلى 200 بالانى قابىلدادىق. ياعني, وڭتۇستىك قازاقستان وبلىسىنان 258, قىزىلوردادان 209, جامبىلدان 32, الماتى وبلىسىنان 4, ماڭعىستاۋ وبلىسىنان 2 جاس كەلدى. بىلتىر «سەرپىنمەن» كەلگەن جاستاردىڭ العاشقى لەگى وقۋ ءبىتىرىپ, 65 تۇلەك قولدارىنا ديپلوم الدى, - دەيدى  وبلىستىق ءبىلىم باسقارماسىنىڭ ماماندارى.

بايقاۋدا بۇل سالادا  وزدەرىن كورسەتە  بىلگەن ستۋدەنتتەر «تاماقتاندىرۋ كاسىپورىندارى ونىمدەرىنىڭ تەحنولوگياسى جانە ءوندىرىستى ۇيىمداستىرۋ» سالاسىندا I-ءشى ورىندى باقىتجان ارىستان, II-ورىندى امانقوس ميراس پاۆلودار تەحنولوگيالىق كوللەدجىنىڭ ستۋدەنتتەرى, III- ورىندى پەتروپاۆل قۇرىلىس–ەكونوميكالىق كوللەدجىنىڭ ستۋدەنتى پولات كۇلاش يەلەندى.

ال, كوللەدجدەردەن باسقا جوعارعى وقۋ ورىندارىنا تۇسكەندەردىڭ قاتارى بۇدان ەكى-ءۇش ەسەگە ارتىق. وبلىستىق جاستار ساياساتىن دامىتۋ جونىندەگى باسقارماسى جانىنداعى «جاستار باستامالارىن دامىتۋ ورتالىعىنىڭ» مالىمەتىنشە, بىلتىر س.تورايعىروۆ اتىنداعى مەملەكەتتىك ۋنيۆەرسيتەتتە, ەۆرازيالىق يننوۆاتسيالىق ۋنيۆەرسيتەت,  جانە پەداگوگيكالىق ۋنيۆەرسيتەتكە وڭتۇستىك وڭىرلەردەن 400-دەي ستۋدەنت كەلىپ تۇسكەن. 

ەلباسى ۇسىنعان «سەرپىن-2050» باعدارلاماسى  2014 جىلدان بەرى جۇزەگە اسۋدا. وسى جىلدار ارالىعىندا وبلىسقا  وڭتۇستىكتەن 1324 ستۋدەنت ءبىلىم الۋعا كەلىپتى. كاسىپتىك جانە تەحنيكالىق ءبىلىم بەرۋ كوللەدجدەرىنە ءتورت جىلدا 610 ستۋدەنت قابىلدانعان. بۇل كۇندەرى ەلىمىزدىڭ ءار وڭىرىنەن كەلگەن ستۋدەنتتەر «سەرپىن» باعدارلاماسى ارقىلى ەڭبەك نارىعىنداعى سۇرانىسقا يە ماماندىقتارعا دايارلانۋدا. ياعني, ستۋدەنت جاستار وندىرىستىك-تەحنيكالىق, كاسىپتىك سالالارعا قاراي بەيىمدەلۋدە.

فاريدا بىقاي

«ەگەمەن قازاقستان»

پاۆلودار

سۋرەتتى تۇسىرگەن: رۋفينا تورپيششەۆا