مەملەكەتتىك حاتشى 25 جىلدىققا ارنالعان حالىقارالىق كونفەرەنتسياعا قاتىستى

ءىس-شاراعا ورتالىق سايلاۋ كوميسسياسىنىڭ توراعاسى ب.يما­شەۆ, جوعارعى سوت توراعاسى ج.اسانوۆ, استاناداعى ەقىۇ باع­دارلامالار ءوفيسىنىڭ باسشىسى د.سابو, پارلامەنت دەپۋتات­تارى, مەملەكەتتىك ورگاندار­دىڭ, دوستاستىق ەلدەرى پار­لا­مەنت­ارالىق اسسامبلەياسىنىڭ وكىل­دەرى, تۇركيا, كورەيا, ءۇندىستان, لاتۆيا, ليتۆا, تمد ەلدەرى جانە باسقا دا مەملەكەتتەردىڭ سايلاۋ كوميسسيالارىنىڭ جەتەكشىلەرى, حالىقارالىق جانە قازاقستاندىق ساراپشىلار قاتىستى.

كونفەرەنتسيادا قازاق­ستان­نىڭ جانە وزگە دە ەلدەردىڭ جاھاندانۋ جاعدايىنداعى سايلاۋ جۇيەسىنىڭ وزەكتى ماسەلەلەرى تالقىلانىپ, زاماناۋي سايلاۋ تەحنولوگيا­لارىن قولدانۋ تا­جىريبەلەرى قاراستىرىلدى, سون­داي-اق سايلاۋ ۇدەرىسى سالا­سىنداعى حالىقارالىق ىنتىماق­تاستىقتىڭ جاڭا فورمالارى مەن تەتىكتەرى ۇسىنىلدى.

گۇلشارا ابدىقالىقوۆا كون­فەرەنتسياعا قاتىسۋشىلارعا مەم­لەكەت باسشىسى نۇرسۇلتان نازار­باەۆتىڭ قۇتتىقتاۋىن وقىپ بەردى. وندا: «تاۋەلسىزدىك العان سات­تەن باس­تاپ ەلىمىز مەملەكەتتىك جانە ساياسي قۇرىلىمىن جەتىل­دىرە وتىرىپ, جۇيەلى رەفورما­لار جولىمەن كەلە جاتىر. قازاق­ستان سايلاۋ قۇقىعى مەن سايلاۋ­دى ۇيىمداستىرۋ ىسىندەگى حالىق­ارالىق جوعارى ستاندارتتاردى بەرىك ۇستانا وتىرىپ, وسى سالاداعى جاھاندىق ىنتى­ماق­تاستىقتىڭ بەل­سەندى جاقتاۋ­شىسى بولىپ سانالادى. بۇگىندە سايلاۋ ۇدەرىسىندە مەم­لەكەتتىك ورگانداردىڭ اشىقتىعى مەن ەسەپتىلىگىن, كاسىبي قۇزىرەتى مەن قوعامنىڭ ولارعا دەگەن سەنىمىن ارتتىرۋعا ىقپال ەتەتىن جاڭا تەحنولوگيالاردى ەنگىزۋگە ايرىقشا ءمان بەرىلۋدە», – دەلىنگەن.

كونفەرەنتسيا اياسىندا «قا­زاق­ستاننىڭ سايلاۋ جۇيەسىنىڭ قالىپتاسۋى مەن دامۋىنىڭ تاريحي-قۇجاتتامالىق نەگىزدەرى» اتتى كورمە ءوتتى. وندا ەل اۋما­عىندا XV عاسىردان قازىرگى ۋاقىت­قا دەيىنگى ءتۇرلى تاريحي كەزەڭ­دەردەگى سايلاۋ جۇيەلەرىنىڭ قالىپ­تاسۋ جانە دامۋ تاريحى كورسەتىلگەن.

جاقسىباي سامرات,

«ەگەمەن قازاقستان»