تۇرىك فيلمدەرىنىڭ اپتالىعى 29 قازان مەن 2 قاراشا ارالىعىندا جوسپارلانىپ وتىر. شارانىڭ اشىلۋ سالتاناتىندا ءسوز سويلەگەن تۇركيانىڭ قازاقستانداعى باس كونسۋلى رىزا قاعان يىلماز مىرزا قازاقستان مەن تۇركيا اراسىنداعى مادەني بايلانىستاردىڭ جالدان-جىلعا نىعايىپ كەلە جاتقاندىعىنا توقتالىپ, كينويندۋستريا سالاسىنداعى ىقپالداستىق بارىسىنا توقتالدى.
الماتىداعى «ارمان» كينوتەاترىندا تۇركيا رەسپۋبليكاسى مادەنيەت جانە تۋريزم مينيسترلىگىنىڭ جانە تۇركيا رەسپۋبليكاسىنىڭ الماتىداعى باس كونسۋلدىعىنىڭ قولداۋىمەن ۇلتتىق وي-پىكىر قاۋىمداستىعىنىڭ ۇيىمداستىرۋىمەن «4-ءشى تۇرىك فيلمدەرى اپتالىعىنىڭ» اشىلۋ سالتاناتى ءوتتى.
تۇرىك فيلمدەرىنىڭ اپتالىعى مۇرات شەكەردىڭ ء«بىزدىڭ مەرەكە» فيلمىمەن اشىلىپ, كورەرمەندەردىڭ زور ىقىلاسىنا بولەندى.
تۇرىك فيلمدەرىنىڭ جانكۇيەرلەرى تۇركيادان كەلگەن پرەزيدەنت باس كەڭەسشىسى جانە ۇلتتىق وي-پىكىر قاۋىمداستىعىنىڭ قۇرمەتتى توراعاسى يالچىن توپچۋ, اق پارتيا دەپۋتاتى جانە ۇلتتىق وي-پىكىر قاۋىمداستىعىنىڭ توراعاسى مەتين گيۋندوگدۋ, پرەزيدەنت اپپاراتىنىڭ مامانى فاتيح توپاكتاش, سونداي-اق «ەرتۋگرۋل. قايتا ءتىرىلۋ» سەرياسىنىڭ اكتيورلارى سەزگين ەردەمير, ديدەم بالچىن, بەشيكتاش مادەني ورتالىعىنىڭ (BKM) فيلم ۇيلەستىرۋشىسى فىرات سەزگين, كينەماتوگرافيستەردىڭ كاسىبي قاۋىمداستىعى (FİYAP) باس حاتشىسى احمەت ەدەبالي جانە تۇرىك فيلمدەرى اپتالىعىنىڭ باس ۇيلەستىرۋشىسى ونەر كىلىچپەن كەزدەسىپ, شاعىن سۇحباتتارمەن الماستى.
ءبىر اپتاعا سوزىلاتىن مادەني شارادا ء«بىزدىڭ مەرەكە», «اشتى, ءتاتتى, قىشقىل», «تۇمار جانە ماحاببات قۇپياسى», «سومۋندجۋ بابا» فيلمدەرى «ارمان» كينوتەاترىندا تەگىن كورسەتىلەتىن بولادى. سونداي-اق, فيلم كەيىپكەرلەرىمەن رەجيسسەرلەر جانە پروديۋسسەرلەر مەن قازاق كينو ارتىستەرى اراسىندا كەزدەسۋلەر, سۇحباتتار جوسپارلانىپ وتىر.
ەلۆيرا سەرىكقىزى,
«ەگەمەن قازاقستان»
الماتى