اۋىلشارۋاشىلىعى سالاسىنىڭ قىزمەتكەرلەرىن ماراپاتتاۋ راسىمىنە وراي ايماق باسشىسى ق.كوشەرباەۆ «قۇرمەت» وردەنىنىڭ كاۆالەرى, سوتسياليستىك ەڭبەك ەرى, 11 بالا تاربيەلەپ وسىرگەن باتىر انا - ءساليما جۇمابەكوۆاعا جاڭا ءۇيدىڭ كىلتىن تابىستادى.
بۇگىن قىزىلوردادا ەگىن جيناۋ ناۋقانىنىڭ اياقتالۋىنا وراي مەرەكەلىك ءىس-شارالار وتۋدە. سالتاناتتى شارادا وبلىس اكىمى اۋىلشارۋاشىلىعى سالاسىنىڭ قىزمەتكەرلەرىن ەگىن جيناۋ ناۋقانىنىڭ ءساتتى اياقتالۋىمەن قۇتتىقتاپ, سالا بويىنشا ۇزدىك قىزمەتكەرلەر مەن ارداگەرلەردى ماراپاتتادى.
«التىن ءدان» - بۇل ەڭبەك مەرەكەسى بولعاندىقتان, سوتسياليستىك ەڭبەك ەرى, 11 بالا تاربيەلەپ وسىرگەن باتىر انا, ىبىراي جاقاەۆتىڭ شاكىرتى-ءساليما جۇمابەكوۆانى ماراپاتتاۋ راسىمىنەن باستاۋ كەرەك دەپ سانايمىن. سىر ەلىن «الاشتىڭ اناسى» دەپ اتايدى, ال ءساليما جۇمابەكقىزىن «سىر اناسى» دەپ اتاۋعا بولادى», - دەي كەلە ايماق باسشىسى ءساليما جۇمابەكوۆاعا جاڭا ءۇيدىڭ كىلتىن تابىستادى.
ءوز كەزەگىندە, وسى ۋاقىتقا دەيىن كوپقاباتتى ۇيدە تۇرىپ كەلگەن ءساليما اپا وبلىس باسشىلىعىنا قامقورلىعى مەن جاڭا كەڭ باسپاناسى ءۇشىن العىسىن ءبىلدىردى.
ءساليما جۇمابەكوۆا 1935 جىلى 25 تامىزدا قىزىلوردا وبلىسى, قارماقشى اۋدانى, لەنين اۋىلىندا (1997 جىلدان باستاپ – تۇرماعامبەت اۋىلى) دۇنيەگە كەلگەن. كسرو جوعارعى كەڭەسىنىڭ دەپۋتاتى بولعان, سونداي-اق, ءوزى تۋعان اۋىلدا اۋىلدىق كەڭەستى باسقارعان.
2008 جىلى وبلىسقا جاساعان ساپارى بارىسىندا مەملەكەت باسشىسى نۇرسۇلتان نازارباەۆ سىر ەلىنىڭ اۋىلشارۋاشىلىعىن دامىتۋعا قوسقان زور ۇلەسى ءۇشىن بىرقاتار ارداگەر-ايەلدەرگە جاڭا پاتەردىڭ كىلتىن تابىستاعان بولاتىن. ولاردىڭ قاتارىندا ءساليما جۇمابەكوۆا دا بولدى.