مۇرات موڭكە ۇلىنىڭ 175 جىلدىعىنا وراي اتىراۋدا بىرقاتار مادەني شارالار ءوتىپ جاتىر. «بايتاقتان وزىپ, بايگە العان» اتتى حالىقارالىق اقىندار ايتىسى دا مۇرات اقىنعا ارنالدى. قىتاي مەن موڭعوليادان جانە ەلىمىزدىڭ ءار وڭىرىنەن كەلگەن 20 اقىن ەكى كۇن بويى جىر كورىگىن قىزدىردى.
- بۇل ايتىستىڭ ەرەكشەلىگى, ەلىمىزدەگى ەڭ جۇيرىك دەگەن اقىنداردىڭ ءبىرازى قاتىستى, - دەيدى قر ەڭبەك سىڭىرگەن قايراتكەرى ءجۇرسىن ەرمان. –مۇرات موڭكە ۇلىنىڭ ءومىرى مەن شىعارماشىلىعىن كەستەلى سوزبەن كوركەمدەدى.
ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا وبلىس اكىمدىگىنىڭ قولداۋىمەن ۇيىمداستىرىلعان ايتىسقا حالىق ءارتىسى, مەملەكەتتىك سىيلىق يەگەرى, قازاقستاننىڭ ەڭبەك ەرى ءاسانالى ءاشىموۆ باستاعان قازىلار القاسى تورەلىك جاسادى. جىر الامانىنىڭ باس جۇلدەسىنە بەلگىلەنگەن 2 ملن تەڭگەنى باتىسقازاقستاندىق جانسايا مۋسينا جەڭىپ الدى.
باقىتگۇل باباش,
«ەگەمەن قازاقستان»
اتىراۋ