استانادا كونكيمەن جۇگىرۋ سپورتىنان قازاقستان بىرىنشىلىگى باستالدى. بيىلعى چەمپيوناتقا 100-گە جۋىق سپورتشى قاتىسىپ, جاڭا ماۋسىم الدىندا ۇلتتىق قۇراماعا ىلىگۋ ءۇشىن كۇش سالماق.
قازاقستان چەمپيوناتىندا باعى جانعان سپورتشى ۇلتتىق قۇرامعا الىنىپ, شەتەلدەگى ءىرى جارىستاردا ەل نامىسىن قورعايتىن بولادى. چەمپيوناتتا ۇلتتىق قۇرامادان بولەك, جاسوسپىرىمدەر كومانداسىنا دا ىرىكتەۋ جۇرگىزىلمەك. ماماندار ۇزاق جانە ورتا قاشىقتىقتارداعى باسەكەلەستىك جوعارى بولادى دەپ بولجاپ وتىر. ويتكەنى اتالعان قاشىقتىق بويىنشا حالىقارالىق ءنورماتيۆتى ورىنداعان سپورتشىلار سانى بولىنگەن كۆوتادان دا كوپ بولىپ تۇر.
ەلورداداعى «الاۋ» مۇز ايدىنىندا ءوتىپ جاتقان قازاقستان چەمپيوناتى ءۇش كۇنگە سوزىلادى.
دايىنداعان الي بيتورە,
«ەگەمەن قازاقستان»