2018 جىلعى 24 قازاندا الماتىدا ورتالىق رەفەرەنس-زەرتحانا (ورز) بازاسىندا بيولوگيالىق جəنە توكسيندى قارۋعا تىيىم سالۋ تۋرالى كونۆەنتسيانىڭ (كونۆەنتسيا) يمپلەمەنتاتسيالىق قولداۋ توبىنىڭ جəردەمدەسۋىمەن جəنە گەرمانيا فەدەراتيۆتىك رەسپۋبليكاسىنىڭ قولداۋىمەن ورتالىق ازيا مەملەكەتتەرى ءۇشىن كونۆەنتسيانى يمپلەمەنتاتسيالاۋ جəنە بيولوگيالىق قاۋىپسىزدىك مəسەلەلەرى بويىنشا وڭىرلىك سەمينار ءوتتى, دەپ حابارلايدى سىرتقى ىستەر مينيسترلىگىنىڭ ءباسپاسوز قىزمەتى.
وڭىرلىك سەمينار كونۆەنتسيانى ۇلتتىق دەڭگەيدە يمپلەمەنتاتسيالاۋ, سەنىمدى نىعايتۋ شارالارى مəسەلەلەرىن تالقىلاۋ جəنە بيولوگيالىق قاۋىپسىزدىك جونىندە ۇزدىك تəجىريبەلەر مەن ساراپشىلار پىكىرىمەن الماسۋ ماقساتىندا ۇيىمداستىرىلدى.
سەميناردىڭ اشىلۋ سالتاناتىندا قر سىرتقى ىستەر ءمينيسترىنىڭ ورىنباسارى ەرجان اشىقباەۆ العى ءسوز سويلەپ, قازاقستان حالىقارالىق جاپپاي قىرىپ-جويۋ قارۋىن تاراتپاۋ ءۇردىسىنىڭ بەلسەندى قاتىسۋشىسى جəنە كونۆەنتسيانىڭ ماقساتتارى مەن مىندەتتەرىنە بەيىلدى ەكەنىن ايتتى. قازاقستاندىق ديپلومات تاراتپاۋ رەجيمىن نىعايتۋداعى كونۆەنتسيانىڭ ءرولىن, سونداي-اق وڭىرلىك ىنتىماقتاستىق ارقىلى كونۆەنتسيانى يمپلەمەنتاتسيالاۋ بويىنشا تəجىريبەمەن الماسۋدىڭ ماڭىزدىلىعىن اتاپ ءوتتى.
سەمينارعا قىرعىزستان, وزبەكستان, تəجىكستان, حالىقارالىق ۇيىمدار وكىلدەرى جəنە بيولوگيالىق قاۋىپسىزدىك سالاسىنداعى قازاقستاندىق بەيىندى ۆەدومستۆولاردىڭ ساراپشىلارى قاتىستى. سەمينار قاتىسۋشىلارى الماتىداعى ورز قىزمەتىمەن تانىستى.