تالدىقورعاندا «شەرتپە كۇي» رەسپۋبليكالىق فەستيۆالى باستالدى. جەتىسۋدىڭ ءتورىن ەكى كۇنى بويىنا دومبىرا ۇنىنە بولەيتىن كۇي جارىسىن مادەنيەت جانە سپورت مينيسترلىگى مەن الماتى وبلىستىق اكىمدىگى بىرلەسىپ ۇيىمداستىرعان. ەلىمىزدىڭ بالبارماق كۇيشىلەرىنىڭ باسىن قوسقان فەستيۆال استانا قالاسىنىڭ 20 جىلدىعى قۇرمەتىنە ورايلاستىرىلىپ وتكىزىلۋدە.
فەستيۆال اياسىندا كۇيشىلەر جارىسىنان بولەك «قىرىق بۋىن قوسباسار» اتاۋىمەن ءداستۇرلى شەرتپە كۇيگە ارنالعان رەسپۋبليكالىق كونفەرەنتسيا جانە القالى كەڭەس ءوتىپ جاتىر. مۇندا ەلىمىزگە تانىمال شەرتپە كۇي مايتالماندارى بۇگىنگى ءداستۇرلى ونەردىڭ اياق الىسى مەن ۇرپاق ساباقتاستىعى تۋرالى كەلەلى اڭگىمە ءوربىتتى.
- مادەنيەت جانە سپورت مينيسترلىگى استانا قالاسىنىڭ 20 جىلدىعى اياسىندا حالقىمىزدىڭ مادەنيەتىن ساقتاۋ جانە ۇرپاقتان-ۇرپاققا جەتكىزۋ ارقىلى ءداستۇرلى ونەرىمىزدىڭ ءتول تۋىندىلارىن كەڭىنەن ناسيحاتتاۋ ماقساتىندا «شەرتپە كۇي» رەسپۋبليكالىق فەستيۆالىن باستادى. بۇل شارانىڭ جەتىسۋ تورىندە وتكەنى ءبىز ءۇشىن قۋانىش. ءى. جانسۇگىروۆ اتىنداعى مادەنيەت سارايىندا ەكى كۇن بويىنا شەرتپە كۇيدەن تاتتىمبەت قازانعاپ ۇلى اتىنداعى «قىرىق بۋىن قوسباسار» كونكۋرسى ءوتىپ, قارا دومبىراعا ءتىل بىتىرگەن ۇزدىك كۇيشى انىقتالادى, - دەيدى الماتى وبلىستىق مادەنيەت باسقراماسىنىڭ ءبولىم باسشىسى تولەۋجان عۇمار.
قالماحانبەت مۇقامەتقالي,
«ەگەمەن قازاقستان»
الماتى وبلىسى