28 قازان مەن 3 قاراشا ارالىعىندا ءۇندىستاننىڭ بەنگالۋرۋ قالاسىندا باسكەتبولدان 18 جاسقا دەيىنگى قىزدار اراسىنداعى ازيا چەمپيوناتى وتەدى. اتالعان قۇرلىق دوداسىنا قازاقستان قىزدار كومانداسى دا قاتىسپاقشى, دەپ حابارلايدى ۇوك ءباسپاسوز قىزمەتى.
وسىمەن 25-ءشى رەت وتەتىن سارى قۇرلىق سىنىنا قازاقستاندىقتار 2007 جىلدان بەرى قاتىسىپ كەلەدى. الايدا, كوماندانىڭ كورسەتكىشى كوڭىل قۋانتارلىقتاي ەمەس.
ءبىزدىڭ كوماندانىڭ ەڭ جوعارعى كورسەتكىشى 2010 جىلى عانا تىركەلگەن, 6-شى ورىن.
ۇلتتىق قۇراماعا «ەرتىس», «استانا تايگەرس», سونداي-اق, اقتوبە مەن الماتى كلۋبتارىندا سىنعا تۇسەتىن جاس باسكەتبولشىلار شاقىرتۋ العان.
ازيا چەمپيوناتىندا قازاقستان گونكونگ, سيريا جانە ساموامەن بىرگە ۆ توبىندا باق سىنايدى.
ەسكە سالا كەتەيىك, ۇندىستانداعى ازيا چەمپيوناتى 19 جاسقا دەيىنگى قىزدار اراسىندا وتەتىن الەم بىرىنشىلىگىنە ىرىكتەۋ كەزەڭى سانالادى.