ەلباسىمىزدىڭ كەزەكتى جولداۋىن وقي وتىرىپ, ەلىمىزدىڭ تاريح ساحناسىنان ەلەۋلى ورىن الارلىقتاي قارقىندى دامىپ كەلە جاتقاندىعىن اڭعاردىم. تاۋەلسىزدىك جىلدارىنان سوڭ جەتكەن جەتىستىكتەرىمىز اۋىز تولتىرىپ ايتارلىقتاي. ەلىمىزدىڭ مادەني ورتالىعىنا اينالعان ارۋ قالا – استانا, ەكسپو-2017 حالىقارالىق كورمەسى, حالىق سانىنىڭ قارقىندى ءوسۋى, ورتاشا ءومىر ءسۇرۋ ۇزاقتىعىنىڭ ءوسۋى, ەكونوميكامىزدىڭ وركەندەۋى, ينفراقۇرىلىمدى دامىتۋعا باعىتتالعان باعدارلامالاردىڭ ىسكە اسۋى زاماناۋي مەملەكەتتىڭ ىرگەسىن نىعايتۋعا زور ۇلەسىن قوسىپ وتىر.
جاھانداعى وزگەرىستەر مەن جاھاندىق پروبلەمالار جانە ادام ەڭبەگىنە تالاپتىڭ كۇشەيۋىنە بايلانىستى ادام ەشقاشان ءوزىن دامىتۋدى توقتاتپاۋى ءتيىس. مەملەكەتتە ءاربىر ادام ءوزىن دامىتۋشى, ىزدەنۋشى تۇلعا رەتىندە تانىتا بىلسە, سونىمەن قاتار, ىزدەنىسىنىڭ ناتيجەسىن قولدانا وتىرىپ ارەكەت جاساسا, ەلىمىزدىڭ ءال-اۋقاتىنىڭ جاقسارۋى جوعارى دەڭگەيگە جەتەدى دەپ ويلايمىن.
جولداۋدىڭ باستى مازمۇنى حالىقتىڭ تۇرمىسىن جاقسارتۋ, حالىقتىڭ مۇددەسىن قورعاۋ, ورتا بۋىننىڭ جالاقىسىن كوتەرۋ, ءبىلىم ساپاسىن ارتتىرۋ, ورىنسىز شىعىنداردى ازايتىپ, حالىق دەنساۋلىعىن نىعايتۋ, جاستاردى قولداۋ بولىپ تابىلادى. مىنە, وسىلايشا حالىقتىڭ كوكەيىندەگى بىرنەشە سۇراقتاردىڭ شەشىمى تابىلدى. ەلىمىزدە حالىق سانىنىڭ دامىلسىز وسۋىنە بايلانىستى تۇرعىن ءۇي سۇرانىسى دا ارتىپ كەلەدى. جالاقىنى كوتەرۋمەن قاتار, كوركىنە كوز تويمايتىن ءزاۋلىم ۇيلەرگە قول جەتكىزۋگە ارنالعان ءتيىمدى باعدارلامالار حالىققا زور قۋانىش سىيلاپ وتىر.
ءبىلىم بەرۋ جۇيەسىندەگى وقىتۋ ادىستەمەسىنە بىرىڭعاي ستاندارت ەنگىزىپ, ءاربىر وقۋشىنى ءوزىنىڭ سۇرانىسىنداعى ماماندىققا باعىتتاي وتىرىپ, وقۋشى جۇكتەمەسىن ازايتۋ وتە ورىندى شەشىم. «پەداگوگ مارتەبەسى تۋرالى» زاڭنىڭ قابىلدانۋى ءبىلىم بەرۋ جۇيەسىندە ۇستازدارعا وڭ اسەرىن تيگىزەدى. سەبەبى جولداۋدا ايتىلعانداي, ولاردى مىندەتتەن تىس فۋنكتسيالاردان اراشالايدى. ودان بولەك مەكتەپكە دەيىنگى جانە مەكتەپ جاسىنداعى بالالاردىڭ, جوعارى وقۋ ورنىنداعى ستۋدەنتتەردىڭ ءبىلىم ساپاسىنىڭ جاقسارۋى باسەكەگە قابىلەتتى جاستاردى دايارلاۋعا مۇمكىندىك بەرەدى.
مەديتسينا سالاسىنا كەلەر بولساق, تۇرعىندار دەنساۋلىعى ءۇشىن ءتيىمدى تىڭ ماقساتتار العا قويىلعان. جاڭا زاماناۋي تەحنولوگيانىڭ ارقاسىندا ەلەكتروندى مەديتسينالىق قۇجاتقا قول جەتكىزۋ ارقىلى تۇرعىندارعا جوعارى دەڭگەيدەگى مەديتسينالىق قىزمەت ۇسىنا الامىز. الەۋمەتتىك ماڭىزى بار اۋرۋلار ورتالىعىنىڭ قۇرىلىسىن باستاۋ قاۋىپتى اۋرۋلاردىڭ الدىن الىپ, ادام ءومىرىن قۇتقارۋعا كومەكتەسەدى.
ۇلت دەنساۋلىعى ءۇشىن دەنەشىنىقتىرۋ ورىندارىن كوبەيتۋ – ادامداردىڭ سپورتقا دەگەن قىزىعۋشىلىعىن وياتىپ, سالاماتتى ءومىر سالتىن ۇستانۋعا جەتەلەيدى. دەنى ساۋ ۇلت – مەملەكەتتىڭ باستى بايلىعى. ەلباسىمىز قوعامعا قاتىستى ماڭىزدى ماسەلەلەردىڭ شەشىمىن تابۋعا ناقتى مىندەتتەر جۇكتەدى. سوت جۇيەسىنە, قارجى جۇيەسىنە, قۇقىق قورعاۋ ورگاندارىنىڭ جۇمىسىنا ساپالى وزگەرىستەر ەنگىزدى. پرەزيدەنتىمىز جاستارعا ۇلكەن سەنىم ارتىپ جانە جىگەر بەرە وتىرىپ, 2019 جىلدى «جاستار جىلى» دەپ جاريالادى. سوندىقتان جالىنداعان قازاق جاستارىن ەلىمىزگە ادال قىزمەت ەتۋ ءۇشىن جۇمىلا ەڭبەكتەنۋگە شاقىرامىن.
ءمولدىر بازارباەۆا,
ماڭعىستاۋ وبلىستىق ناركولوگيا ديسپانسەرىنىڭ دارىگەر-ەپيدەميولوگى
اقتاۋ