قاراشا ايىنىڭ 13-16 كۇندەرى ارالىعىندا استاناداعى «داۋلەت» سپورت كەشەنىندە دزيۋدودان ەرلەر مەن قىزدار اراسىنداعى قازاقستان چەمپيوناتى وتەدى.
ەل بىرىنشىلىگىنە ەلىمىزدىڭ 14 وبلىسى مەن استانا, الماتى جانە شىمكەنت قالالارىنان كەلەتىن 500-گە جۋىق دزيۋدوشى قاتىسادى. جارىس ناتيجەسىندە قازاقستان چەمپيوناتىندا جەڭىمپاز اتانعان سپورتشىلار اراسىنان 2019 جىلعى دزيۋدودان قازاقستان ۇلتتىق قۇراما كومانداسى جاساقتالادى. استانادا وتەتىن قازاقستان چەمپيوناتىن «QAZSPORT» تەلەارناسى كورسەتەدى.